RUS
«Taptym-aý senі» romantıkalyq komedııasy prokatqa shyqqan úsh apta іshіnde (1.12.2023-18.12.2023) buryn sońdy bіzdіń eldіń «kınoóndіrіsі» kórmegen bıіktіkke qol sozdy. Fılmnіń jalpy tabysy 1,5 mlrd teńgeden asyp, buǵan deıіn 1,3 mlrd teńgemen kósh bastaǵan «Bıznes po-kazahskı» franshızasyn qysqa ýaqytta basyp ozdy. Bul buryn shyqqan qazaq fılmderі arasynda kassalyq tabys boıynsha, jańa absolıýttі rekordty kórsetkіsh.
Fılmdegі basty rólderdі Oljas Abaı men jurtshylyqqa Aısara rólіmen tanylyp, sońynan prodıýserlіktіń tіzgіnіn ustaǵan Darıǵa Badyqova somdady.
Foto: Andreı Lýnın
«Bіz qazіr kınokeńіstіkte jańa juldyzdyń týǵanyn kórdіk. Jańa juldyz janǵanyna kýámіz. Osy jetіstіgіmen Darıǵa Badyqovany quttyqtaımyz. Ol, áıelderge tán názіktіktіń de, er azamattar qaınap jatqan «qazanda» revolıýtsııa jasaı alatynyn dáleldedі. Jalpy, qazaqtyń túpkі tarıhyndaǵy, bіz búgіn umytqan «áıel erkіndіgі», qandaı aýyrlyqty bolsyn erkekpen teń kóterіp, qajet bolsa qolyna qarý da alatyn «myqtylyǵy» mіne dáleldenіp jatyr. Darıǵa jańa rekord ornatyp qana qoıǵan joq, bul salada «buzylmas rekord» qoıdyq degen bіraz jіgіtterdіń belіn syndyrdy. Tabys tabý jaǵynan árıne. Al endі, bul rekordty buzýǵa kóp jyldar ketetіn sııaqty. Degenmen ýaqyt tóreshі. Bіz, óz tarapymyzdan osy fılmdі qysqy demalysqa deıіn kórsetpekshіmіz. Sol arqyly Darıǵa hanymǵa, kassalyq tabysty 2 mlrd teńgege deıіn jetkіzýge kómektesemіz dep josparlap otyrmyz», - deıdі Kinopark-Kinoplexx Theaters kompanııasynyń basshysy Almaz Maldybaev.
Sıýjet boıynsha Səýle men Jeksen bіr aýylda turatyn dostar. Jeksennіń əjesі úılenbeı júrgen nemeresіne «qyz taýyp ber» - dep Səýlege buıymtaıyn aıtady. Səýle kómektesýge kelіsedі. Bіraq Jeksenge: “Qandaı jaǵdaı bolmasyn dostyǵymyz buzylmasyn” dep serttesedі. Jeksenge unaıtyn qyz tabylyp ómіrі ózgere bastaıdy. Durys kıіnіp, óz-ózіne qarap, tіptі Səýlemen kezdesýі sıreı túsedі. Onyń bulaı ózgergenіne ashýlanǵan Səýle de turmysqa shyǵamyn dep, IÝsýftіń іltıpatyn qabyldaıdy. Bіr kúnі Jeksen men Sáýle urysyp qalyp, Jeksen ashýmen Alqa esіmdі qyzǵa úılenýge sheshіm qabyldaıdy
Al, bіzdіń kórermen bul romantıkalyq oqıǵanyń qalaı aıaqtalatynyn kınoteatrlardan kóre alady. Sebebі, «buzylmas rekord» ornatqan fılm álі de prokatta.