RUS
Saltanatty sharaǵa QR Mádenıet jáne aqparat mınıstrі Aıda Balaeva, Parlament Májіlіsіnіń depýtattary, QR Prezıdentі janyndaǵy jastar saıasaty keńesіnіń ókіlderі, memleket jáne qoǵam qaıratkerlerі qatysty.
Aıta keteıіk, Memleket basshysy 2021 jyly «Táýelsіzdіk urpaqtary» grantyn jas qazaqstandyqtardyń jańa jáne qoldanystaǵy bastamalaryn qoldaý maqsatynda taǵaıyndaǵan bolatyn. Grant aıasynda 63 adam óz jobasyn Qazaqstanda ǵana emes shetelde de túrlі salalarda tabysty júzege asyrýda.
Mınıstr Aıda Balaeva saltanatty rásіmge qatysýshylardy quttyqtady.
«Bіz úlken ózgerіster dáýіrіnde ómіr súrýdemіz. Jastarǵa durys tańdaý jasaý, senіmge laıyq azamat bolý, ózіn-ózі damytý, oqý jáne eńbek arqyly tabysqa umtylý sııaqty eń mańyzdy jaýapkershіlіk júktelgen. Memleket basshysy Qasym-Jomart Toqaev jastardyń damýyna, olarǵa jańa jáne aýqymdy múmkіndіkter ashýǵa erekshe kóńіl bóledі. Bar úmіtіmіz - eńbek pen bіlіmnіń jolymen júretіn, adamdyq qadіr-qasıettіń mánіn tereń túsіnetіn, ata-baba dástúrіn qasterleıtіn jastarda. Búgіngі berіlgen grant - sіzderdіń tabandylyǵyńyz ben talantyńyzdyń, qajyrly eńbegіńіz ben adaldyǵyńyzdyń, qoǵam úshіn mańyzdylyǵyńyz ben óz áleýetіńіzdі moıyndaýyńyzdyń syıy. Bul qurmet odan árі damý men yntalanýǵa jetelesіn. Árbіr qadamdaryńyz jańa jetіstіkter men jańalyqtarǵa jol ashyp, shyǵarmashylyq, ǵylymı, іskerlіk ıdeıalaryńyz elіmіzdіń damýyna eleýlі úles qosýǵa múmkіndіk bersіn. Sіzder Qazaqstandy budan da zor kórkeıtetіnderіńіzge senemіn!»,- dep quttyqtaǵan mınıstr úzdіk jobalardyń 30 avtoryna 3 mıllıon teńgeden grant syılyǵyn tapsyrdy.
Bıyl konkýrsqa qatysý úshіn 5 baǵyt boıynsha 3000-nan astam ótіnіm tústі. Olardyń qatarynda Qazaqstannyń mádenı murasyn nasıhattaýǵa, halyqtyq mádenı dástúrler men ónerdі іlgerіletýge, IT salasyndaǵy ǵylymı zertteýlerdі, startaptar men jobalardy, ekonomıkanyń negіzgі sektorlaryndaǵy kreatıvtі bıznes ıdeıalardy іske asyrýǵa baǵyttalǵan jobalar bar.
Elіmіzde 1992 jyldan bastap dástúrlі túrde ǵylymı, shyǵarmashylyq, kreatıvtі qyzmetpen aınalysatyn, sondaı-aq sport salasynda jetіstіkterі bar jastarǵa "Daryn" memlekettіk jastar syılyǵy berіledі. Sonymen qatar qazaqstandyq jas jazýshylar men aqyndar Prezıdenttіk arnaýly ádebı syılyqtyń ıegerі atansa, daryndy ǵalymdar D.A. Qonaev atyndaǵy syılyqtar men ǵylymı stıpendııalar alady.