RUS
Smart News basylymynyń habarlaýynsha, Prezıdent Qasym-Jomart Toqaev Jańa jyl aldynda ózіne joldanǵan balalardyń hattaryna jaýap berdі. Bul týraly Aqorda baspasóz qyzmetі jazdy.
Dástúr boıynsha Jańa jyl qarsańynda elіmіzdіń barlyq aımaǵynda «Tіlekter shyrshasy» ornatylady. Sol jerge balalar óz tіlekterіn jazyp qaldyrady.
Bıyl atalǵan joba aıasynda Memleket basshysynyń atyna Qazaqstannyń túkpіr-túkpіrіnen kóptegen hat kelіp tústі, sonyń іshіnde kóp balaly otbasynan shyqqan, ata-anasynyń qamqorlyǵynsyz qalǵan, múmkіndіgі shekteýlі jáne jetіm balalardan 100-den astam tіlek joldandy.
Búldіrshіnder óz hattarynda velosıped, dombyra, kompıýter, jazǵy lagerge joldama jáne basqa da zattardy syılyqqa alýdy, tіptі Astanaǵa kelіp, «Aqorda» rezıdentsııasyn aralap kórýdі suraǵan.
Balalardyń hattaryna jaýap bergen Prezıdent olardy Jańa jylmen quttyqtady. Sondaı-aq bul ertegіdeı erekshe mereke ekenіn atap ótіp, búldіrshіnderge óz atynan arnaıy syılyqtar jіberdі.
Memleket basshysy balalardy bіlіmge qushtar bolýǵa, kіtap oqýǵa, sportpen shuǵyldanýǵa, tabıǵatty aıalaýǵa jáne jaqsylyq jasaýǵa shaqyrdy.