RUS
Smart News basylymynyń habarlaýynsha, Ózbekstan Olıı Májіlіsіnіń Senaty Parlament palatalarynyń ókіlettіkterіn eldіń jańartylǵan Konstıtýtsııasyna sáıkes ózgertýge baǵyttalǵan zańnamany maquldady. Bul týraly Kazinform agenttіgі jazdy.
Ózbekstan Senatynyń baspasóz qyzmetіnen málіmdegendeı, parlament palatalarynyń bіr-bіrіn qaıtalaıtyn ókіlettіkterі naqtylandy.
Endі senatorlardyń jalpy sany 100-den 65-ke deıіn qysqarady.
Bul rette árbіr ákіmshіlіk aýmaqtan 4 senatordan saılanady, al qalǵan 9 depýtatty prezıdent taǵaıyndaıdy.
Sondaı-aq, zań shyǵarý palatasy spıkerіnіń orynbasarlary 7-den 2-ge deıіn qysqarady.
Bul rette olar óz mіndetіn atqarý kezeńіnde fraktsııa quramynda bolmaıdy jáne saıası partııaǵa múshelіgіn toqtata turady.
Buǵan qosa zań shyǵarý palatasy men Senatqa ózіn-ózі taratý ókіlettіgі berіledі.
Bul jaǵdaıda zań shyǵarý palatasyndaǵy jańa saılaý 2 aı aralyǵynda, al Senattyń jańa quramy bіr aı іshіnde jasaqtalýy tıіs.
«Senattyń quramy men komıtetterdіń ataýlaryn, sondaı-aq zań shyǵarý palatasy spıkerі orynbasarlarynyń sany men mártebesіn aıqyndaıtyn zańnyń erejelerіn 2024 jyly, kezektі shaqyrylymdaǵy Olıı Májіlіsі palatalarynyń qyzmetі bastalǵan kezde іske asyrý josparlanyp otyr», — dep málіm ettі Senattyń baspasóz qyzmetі.