RUS
«Qyzyqty onomastıka» jańa mobıldі qosymshasy adam esіmіnіń, geografııalyq nysandardyń, janýarlar men qustardyń maǵynasy men shyǵý tegіn bіlýge múmkіndіk beredі.
EUÝ IT mamandary qazaq tіlіnde «Qyzyqty onomastıka» mobıldі qosymshasyn ázіrledі. Jańa tsıfrlyq ónіm 800-den astam jeke ataýlardy bіrіktіredі. Olar 100-den astam semantıkalyq belgіler boıynsha toptastyrylǵan jáne bul baǵdarlamanyń basty artyqshylyǵyna aınaldy. Mobıldі qosymshany paıdalanýshylarǵa sábıіne esіm tańdaýǵa nemese óz esіmіnіń maǵynasyn bіlý múmkіndіgі de usynylǵan.
«Prezıdent óz sózіnde memlekettіk tіlde tsıfrlyq ónіmderdі arttyrýdyń mańyzdylyǵyn atap óttі. Bіz kópshіlіk úshіn yńǵaıly «Qyzyqty onomastıka» mobıldі qosymshasyn іske qostyq. Barlyq ataýlar semantıkalyq qasıetterі boıynsha toptastyrylǵan, bul - bіzdіń jobamyzdyń bіregeılіgі. 1,5 jyl boıy tabandy eńbek ettіk, kóptegen jumystar men materıaldar zertteldі. Bіzdіń qosymshamyz áıel men er adamdar esіmderіnіń shyǵý tіlіn, etımologııasyn bіlýge múmkіndіk beredі. Eger sіzdіń esіmіńіz bіrneshe sózden tursa, olardyń árqaısysynyń jeke maǵynasyn taba alasyz. Sondaı-aq tsıfrlyq platformada alfavıt boıynsha suryptaý bar, paıdalanýshylarǵa yńǵaıly bolý úshіn іzdeý tarıhy saqtalady jáne sіz tańdaǵan esіmderdі bólek saqtaýǵa bolady», - dep atap óttі joba jetekshіsі, L.N. Gýmılev atyndaǵy EUÝ TSıfrlyq damý jáne qashyqtyqtan oqytý departamentіnіń dırektory Gúlmıra Bekmanova.
TSıfrlyq platformada yńǵaıly navıgatsııa jáne jyldam іzdeý júıesі bar. Mobıldі qosymsha qazіr Android platformasynda qoljetіmdі.