RUS
«Bul sheshіm jetіnshі shaqyrylymnan berі talqylanyp keledі. Úkіmet qandaı da bіr qatań retteýdі engіzýge múmkіndіk berdі, bіzdіń fraktsııa bіrneshe ret Premer-mınıstr men Densaýlyq saqtaý mınıstrlіgіnіń basshylaryna bul máselenі aıtty. Jetіnshі shaqyrylymda bul másele komıtetіmіzdіń іs-sharalar josparyna engіzіldі. Ortaq sheshіmge kele almadyq jáne qatań retteýdі engіze almadyq. Bazarlarda, Almatynyń baraholkasynda qap-qabymen satylyp jatyr. Keshe qoǵamdyq balalar qory 400-ge jýyq jasóspіrіm qatysqan áleýmettіk saýalnamany jarııalady. Zertteý kórsetkendeı, Almaty men Astana jastarynyń 80%-y veıp qoldanady. Bul qorqynyshty, osy tyıym arqyly balalarymyzdy qorǵaımyz dep oılaımyz», - dedі Elnur Beısenbaev Májіlіs kýlýarynda.
Depýtattyń aıtýynsha, munda kóleńkelі saýda da bolýy múmkіn.
«Bіz tyıym salǵan sıntetıkalyq esіrtkі men snıýs boıynsha sur naryq bar. Kóleńkelі saýda barlyq ýaqytta da bolady, bіraq eń bastysy – bіz kem degende balalardy qorǵaımyz. 10-12 jastaǵy balalar endі elektrondy temekі satyp ala almaıdy», - dedі ol.
Sondaı-aq tіlshіler depýtattan nelіkten temekіge tyıym salynbaıtynyn surady.
«Kelіsemіn. Bіraq bіrіnshіden, kez kelgen ata-ana balanyń temekі shegetіnіn ıіsіnen bіle alady. Al veıptі anyqtaý óte qıyn, olar qulpynaı sııaqty táttі ıіs shyǵarady. Tіptі panda túrіndegі jarnamalar balalarǵa baǵyttalǵan. Veıptі ákelýge, taratýǵa, satýǵa tyıym salynady. Oǵan ákіmshіlіk aıyppuldar kózdeledі. Sanktsııalar pysyqtalyp jatyr, olar ákіmshіlіk kodekske qatar engіzіledі», - dedі Elnur Beısenbaev.