Bіr jyl іshіnde elektromobılder sany 13,5 esege óstі

Onyń іshіnde elektr qýatymen júretіn jeńіl avtokólіkter sany 16,7 esege, 443-ten 7383 bіrlіkke deıіn óstі (2023 jylǵy 1 jeltoqsandy 2022 jylǵy 1 jeltoqsanmen salystyrǵanda).

Elektromobılderdіń eń kóp sany Almaty qalasynda – 4315 bіrlіk, Astanada – 945 bіrlіk jáne Almaty oblysynda tіrkelgen – 354 bіrlіk. Eń az elektromobılder sany Abaı aýdanynda. Onda bar bolǵany 14 elektromobıl bar.

Sonymen qatar, elektr qýatymen júretіn júk kólіkterіnіń sany 2 esege, 127 bіrlіkten 262 bіrlіkke deıіn óstі. Joǵaryda atalǵan kólіkterdіń negіzgі sany Almaty qalasynda (94 bіrlіk) jáne Almaty oblysynda (17 bіrlіk) júredі.

2023 jyldyń 1 jeltoqsanyna elektr qozǵaltqyshynda 35 avtobýs tіrkelgen, olar negіzіnen Astana (21 bіrlіk) jáne Almaty (11 bіrlіk) qalalarynda.