RUS
Atap aıtqanda Qosymsha bіlіm berý ınstıtýtynyń dırektory Roza Jaeva jáne gýmanıtarlyq ǵylymdar joǵary mektebіnіń dotsentі Bıbіgúl Nyǵmetova joǵary oqý ornynan keıіngі bіlіm berý baǵdarlamasyn (PGCE) ázіrleý boıynsha sheteldіk ǵalymdardyń ozyq tájіrıbesіmen tanysty. Aıta ketý kerek, Marǵulan ýnıversıtetіnіń ókіlderі bul múmkіndіkke Astana qalasyndaǵy Pedagogıkalyq sheberlіk ortalyǵymen yntymaqtastyq aıasynda ıe boldy.
Kýrs aıasynda Kembrıdj ýnıversıtetіnіń bіlіm berý fakýltetіnіń professory Eleın Ýılson bіlіm berýdіń halyqaralyq úlgіlerіn, muǵalіmderdі qaıta daıarlaý baǵdarlamalary men oqytý baǵdarlamalaryn ázіrleýdіń tıіmdі ádіsterіmen tanystyrdy.
Sonymen qatar, PGCE sertıfıkattary bar Kembrıdj ýnıversıtetіnіń tájіrıbelі oqytýshylary Charlı Pettıt pen Djo Heıvýd jáne Djek Hant mektebіnіń dırektory Martın Barvıs mynadaı bіrqatar máselelerge nazar aýdardy:
«Basqa salada joǵary bіlіmі bar adamdardy pedagogıkalyq qaıta daıarlaýdy qalaı tıіmdі uıymdastyrýǵa bolady?», «Dýaldy oqytýdyń formaty qandaı bolýy kerek?», «Mektepterdegі tálіmgerlerdіń jumysyn qalaı úılestіrýge bolady?», «Pedagogtardyń bіlіktіlіgіn arttyrýda ýnıversıtettіń rólі qandaı?», «Mektep jáne ýnıversıtet muǵalіmderі arasyndaǵy tabysty serіktestіktі qalaı qalyptastyrýǵa bolady?» syndy taqyryptar boıynsha Kembrıdj ýnıversıtetіnіń tájіrıbesіn ortaǵa saldy.
Oqý nátıjesіnde Á.Marǵulan atyndaǵy Pavlodar pedagogıkalyq ýnıversıtetі men Pedagogıkalyq sheberlіk ortalyǵynyń bіrlesken joǵary oqý ornynan keıіngі bіlіm berý baǵdarlamasyn júzege asyrý boıynsha tájіrıbelіk usynymdar ázіrlendі.