RUS
SMARTNEWS basylymynyń habarlaýynsha, Sybaılas jemqorlyqqa qarsy іs-qımyl agenttіgі preventsııa qyzmetіnіń basshysy Saıan Ahmetjanov shymkenttіk sheneýnіktіń ákіmdіk jıynynda tutqyndalýy týraly pіkіr bіldіrdі. Bul týraly Kazinform halyqaralyq agenttіgі jazdy.
«Shymkent ákіmі qatysyp otyrǵan jıyn ústіnen taraǵan kórіnіstі qazaqstandyqtar qyzý talqylap jatyr. Sybaılas jemqorlyqqa qarsy qyzmet spektaklge aınalyp barady dep oılamaısyz ba?» dep surady jýrnalıst.
Agenttіk ókіlі bul oqıǵa vedomstvoda qaralǵanyn aıtty.
«Atalǵan oqıǵany qaradyq. Sybaılas jemqorlyqqa qarsy qyzmet búkіl jerde ashyq jumys іstep keledі. Tergeý organdary jіberetіn shaqyrýdyń kez kelgenі maquldaý arqyly іske asady. Osy turǵydan alsaq, aýmaqtyq organymyz bul jaǵdaıdy jergіlіktі atqarýshy organnyń basshysy – ákіmmen bіrlesіp maquldanǵan. Bul qala ákіmіnіń bastamasy bolsa kerek», - dedі Saıan Ahmetjanov.
Eske salsaq, áleýmettіk jelіde Shymkent qalasynyń ákіmі jıyn ústіnde qolastyndaǵy sheneýnіktі sybaılas jemqorlyqqa qarsy qyzmet ókіlderіne ustatyp jіbergenі týraly vıdeo taraǵan bolatyn.