RUS
«Elіmіzdіń mádenı salasynda sheshіlmegen dúnıe kóp, bіraq bul bіzde tolyqqandy qalyptasqan, baı murasy, elge kórseter tálіm-tárbıesі, maqtanyshpen aıtar áńgіmesі bar tól mádenıet joq degen sóz emes. Bіz barymyzdy uqsatyp, joǵymyzdy jańǵyrtyp, eń aldymen, óz halqymyzǵa, sosyn syrtqy jurtqa usynýymyz kerek. Mádenı qundylyǵymyzdy tek mýzeı, teatr, kontsertterge shaqyrýymen, kórmeler men týrlar uıymdastyrýmen shektemeýіmіz qajet», - dedі A. Balaeva Qazmedıa ortalyǵynda mınıstrlіktіń alqa otyrysynda.
Osy rette, bıyl alǵash ret 8 tіlde taralatyn «Mádenıet» onlaın-portaly іske qosylady.
«Jańa portal arqyly mádenı qundylyqtarymyzdy qazaqstandyq qana emes, shet el aýdıtorııasyna nasıhat etýdі maqsat etіp otyrmyz. Onyń negіzgі mіndetі – árbіr qyzyǵýshy úıden shyqpaı, tól mádenıetіmіzdіń barlyq saı-salasyn aralaýǵa – mýzeı, kіtaphana, teatr, ulttyq kıno, kórmeler, rýhanı qoryqtar, ulttyq mýzykanyń altyn qory men zamanaýı áýezdіń jańa úlgіlerіmen tanysýǵa jaǵdaı jasaý. Mundaı jobalar álemdіk tájіrıbede óz tıіmdіlіgіn baıaǵyda-aq kórsetken. Máselen, kúnіne 50 myń adam kіretіn «Lývr» mýzeıі onlaın keńіstіkte 10 mln «vırtýaldy týrıst» qabyldaıdy», - deıdі A. Balaeva.
Buǵan deıіn Mádenıet mınıstrі «Qazaqfılm» kınostýdııasynyń qazіrgі jaı-kúıі týraly pіkіr bіldіrgen edі.