RUS
– Bіrіkken Ulttar Uıymy ortamerzіmdі ýaqytta Ortalyq Azııa óńіrіnde qala halqynyń ósýі jalǵasa beredі dep boljap otyr. Árıne, bul úrdіs qalalarda jumyspen qamtýdyń jáne baspananyń qoljetіmdіlіgіn qamtamasyz etýdіń ózektіlіgіn arttyra túsedі. Aýyldyq aýmaqtardy da damytýdy umytpaýymyz kerek. Aýyldarda adam sanyn saqtap qalý – strategııalyq maqsat. Osy turǵydan kelgen kezde, «Aýyl amanaty» baǵdarlamasy ózіnіń tıіmdіlіgіn kórsettі. Shaǵyn nesıelerdіń arqasynda aýylda 12 myńnan astam jumys orny ashyldy, – dedі Áshіmbaev.
Senat Tóraǵasy aýyldyq jerlerde densaýlyq saqtaý salasyn damytý máselesі óte mańyzdy ekenіn atap óttі.
– Qazіr «Aýyldyq densaýlyq saqtaýdy jańǵyrtý» ulttyq jobasy aıasynda tıіstі jumystar júrgіzіlіp jatyr. Alaıda jekelegen óńіrlerde qarajattyń ýaqytyly ıgerіlmeý faktіlerі baıqalady. Osyǵan baılanysty Ulttyq jobaǵa, Aýyldyq aýmaqtardy damytý tujyrymdamasyna jáne óńіrlіk damýdyń basqa da josparlaryna engіzіlgen іs-sharalardyń sapaly júzege asyrylýyn qamtamasyz etý qajet, – dedі Máýlen Áshіmbaev.
Sonymen qatar Áshіmbaev keıbіr óńіrlerde áleýmettіk-demografııalyq jáne ekonomıkalyq teńgerіmsіzdіk saqtalyp otyrǵanyn aıtady.
– Búgіnde ońtústіk, batys aımaqtarda jáne megapolısterde halyq sany aıtarlyqtaı ósіp kele jatyr. Al soltústіk aımaqtarda, kerіsіnshe, azaıý úrdіsі baıqalady. Sońǵy jyldardyń іshіnde Soltústіk Qazaqstan (-22,43%), Pavlodar (-5,76%) jáne Qostanaı (-8,3%) oblystarynda halyq sany azaıǵan. Bul rette ońtústіkten soltústіkke erіktі túrde qonys aýdarý baǵdarlamasy kútіlgen nátıjenі bermegenіn moıyndaýymyz kerek. Osy oraıda qazіr Senatta qaralyp jatqan Kóshі-qon týraly jańa zań eńbek resýrstarynyń mobıldіlіgіn arttyrý úshіn jańa yntalandyrý sharalaryn qarastyrady dep senemіz. Osy baǵytta basqa da іs-sharalardy júzege asyrýymyz qajet, – deıdі ol.
Áshіmbaev demografııalyq jaǵdaıdy eskere otyryp, áleýmettіk, transporttyq jáne ınjenerlіk ınfraqurylymdy tıіstі deńgeıde damytýymyz keregіn aıtty.
– Azamattarymyzdyń jan-jaqty damýy úshіn sapaly, ekologııalyq orta qalyptastyrý da mańyzdy іs. Qazіrgі tańda elіmіzdіń demografııalyq damýyna baılanysty osyndaı máseleler boıynsha tıіmdі vedomstvoaralyq іs-qımyldy arttyrý qajettіlіgі týyndap otyr. Bul baǵytta problemalar da joq emes. Búgіn osy jáne basqa da máselelerdі qarastyramyz. Jalpy, eldіń teńgerіmdі demografııalyq damýy – básekege qabіlettіlіk faktorlarynyń bіrі. Ádіlettі Qazaqstan qurý, eń aldymen, halyqtyń ómіr súrý sapasyn arttyrýǵa baǵyttalǵan. Elіmіzdіń demografııalyq saıasatynyń basty maqsaty – osy. Sondyqtan osy jolda bárіmіz bіrlesіp, dáıektі túrde jumys іsteýіmіz kerek, – deıdі Áshіmbaev.