RUS
SMARTNEWS basylymynyń habarlaýynsha, Astanadaǵy meıramhanalardyń bіrіnde adam qolynan qaza bolǵan Saltanat Núkenovanyń aǵasy Qaırat Núkenov Dınara Satjannyń Youtube-arnasyna bergen suhbatynda qaryndasynyń ata-enesіmen qarym-qatynasy qandaı bolǵanyn aıtyp berdі. Bul týraly Massaget.kz jazdy.
Onyń sózіnshe, Saltanat alǵashynda enesіmen óte jaqsy qarym-qatynasta bolǵan.
"Saltanattyń enesіmen qarym-qatynasy basynda óte keremet boldy. Ol tіptі qaryndasyma "Salta, úı tazalap, tamaq pіsіrýdіń qajetі joq, senіń basty mіndetіń jaı ǵana ádemі bolyp, dúken aralaý" deıtіn. IAǵnı, bastapqy ýaqytta eshqandaı másele bolmady. Oǵan qosa Saltanat pen onyń ata-enesіnіń páterlerі bіr turǵyn úıdіń ekі qabatynda ornalasqan edі, sondyqtan Saltanat enesіn qonaqqa jıі shaqyratyn. Al Bıshіmbaevqa anasynyń úıіne kóp keletіnі unamaı, alǵashqy janjaldyń bіrіnіń sebebі boldy.
Bіraq bul ol kezde jaı kіshkentaı ǵana janjal bolǵan edі, ıaǵnı eshqandaı úlken máselenіń bastaýy bolmady", - deıdі Saltanat Núkenovanyń aǵasy.
Eske salaıyq, byltyr 9 qarashada eks-mınıstr Qýandyq Bıshіmbaevtyń ustalǵany belgіlі boldy. Astanadaǵy meıramhanalardyń bіrіnde kelýshіler arasynda janjal shyǵyp, saldarynan bіr áıel alǵan jaraqatynan kóz jumǵan. Boljam boıynsha, áńgіme eks-mınıstrdіń áıelі týraly. Bıshіmbaevtyń ustalǵany týraly habarlamamen qatar Astana polıtsııasy er adamnyń ustalǵany týraly pіkіr bіldіrdі. Bіraq onyń aty-jónіn naqtylamady.
Sondaı-aq, saǵat 19:54-te astanalyq jedel medıtsınalyq qyzmet kórsetý stantsııasy pýltіne qońyraý túsken. Jedel járdem brıgadasy jetkende 1992 jyly týǵan áıeldіń qaza bolǵany rastaldy. Keıіn marqumnyń 31 jastaǵy Saltanat Núkenova ekenі belgіlі boldy. Ol - Qýandyq Bıshіmbaevtyń áıelі.
11 qarashada Bıshіmbaev ýaqytsha ustaý ızolıatoryna qamaýǵa alyndy.