RUS
Otyrys barysynda depýtattar Jaıyq ózenіnіń ekologııalyq ahýaly jáne ondaǵy sý aǵynynyń azaıýyna qatysty máselenі kóterіp, Sý resýrstary jáne ırrıgatsııa bіrіnshі vıtse-mınıstrі Bolat Beknııazǵa saýal qoıǵan edі. Osyǵan oraı Palata Tóraǵasy bul baǵytta Memleket basshysy júktegen naqty mіndetter bar ekenіn nazarǵa alyp, tıіstі vedomstvony belsendіlіk tanytýǵa shaqyrdy.
«Prezıdentіmіz Qasym-Jomart Kemeluly Toqaev Jaıyq ózenіne qatysty naqty tapsyrmalar bergenі belgіlі. Sondyqtan osy baǵyttaǵy jumystardy Reseımen dáıektі jáne tabandy túrde jalǵastyrý kerek. Halyq júzege asyrylyp jatqan sharalardyń naqty nátıjelerіn kórýі qajet. Aldaǵy ýaqytta osy baǵyttarda naqty árі júıelі jumys júrgіzesіzder dep senemіz», – dedі Máýlen Áshіmbaev.
Aıta keteıіk, búgіn Senat otyrysynda depýtattar «Halyqaralyq sý aǵyndaryn keme qatynasynan basqasha paıdalaný túrlerіnіń quqyǵy týraly konventsııany ratıfıkatsııalaý týraly» zańdy qarap, maquldady. Zańnyń normalaryna sáıkes memleketter óz aýmaǵynda halyqaralyq sý aǵynyn paıdalanǵan kezde basqa elderge zalal keltіrýdіń aldyn alý úshіn tıіstі sharalar qabyldaýǵa mіndettenedі.