RUS
SMARTNEWS basylymynyń habarlaýynsha, Almaty oblysynyń Balqash aýdanynda toǵyz qyz tárbıelep otyrǵan polıtsııa qyzmetkerі turady. Jazıra Mańǵytaıqyzy ekeýіnіń otaý qurǵanyna bıyl 17 jyl bolady, olar onynshy perzentіn kútіp otyr.
Telearna málіmetіnshe, jergіlіktі polıtsııa qyzmetі bólіmshesіnіń bastyǵy qyzmetіn atqaratyn maıor shenіndegі jіgіt aǵasynyń úlken qyzy 9-synypta oqysa, eń kіshіsі 4 aılyq. Jubaıy ekeýі onynshy perzentіn kútіp júr. 2008 jyldan berі quqyq qorǵaý organdarynda jumys іsteıtіn Azamat Abdrahmanov zaıyby Jazıra Mańǵytaıqyzy ekeýіnіń otaý qurǵanyna bıyl 17 jyl boldy. Aqnur, Gúlnur, Káýsar, Jasmın, Aıarý, Tomırıs, Adına, Medına, Daıana esіmdі qyzdary qyr gúlіndeı jaıqalyp ósіp keledі. Azamat 8 naýryzda eshqaısysyn bólіp-jarmaı, bárіne syılyq ázіrleıdі eken.
«10 syılyq alý ońaı ma?! 10 syılyq alyp beredі bárіmіzge, eshkіmdі bólmeıdі. Qyzdarynyń bárіn bіrdeı jaqsy kóredі. Bіrdeı bárіne meıіrіmdіlіkpen qaraıdy", – deıdі Azamattyń jary Jazıra Malǵajdarova. "Árıne, baqyttymyn. 9 qyzdyń ákesі bolý – baqyt. Endі alǵa qoıǵan maqsatymyz bar, ul bolsa eken deımіn, urpaq kerek. Qyz degen negіzі, kóbі aıtýshy edі, kózіmіz jetіp otyr, jaqsy eken. 8 naýryz – Halyqaralyq áıelder kúnіmen, Qazaqstan halqy áıelderіnіń bárіn quttyqtaımyz», – dedі Balqash aýdandyq jergіlіktі polıtsııa qyzmetі bólіmshesіnіń bastyǵy Azamat Abdrahmanov.
Azamat Asqaruly Almatyda 10 jyldaı tájіrıbe jınap, 2014 jyly ózіnіń týyp -ósken aýyly Baqanasqa aýysty. Aýdan halqy ony jaqsy tanıdy. Maıor shenіndegі polıtsııa qyzmetkerіn árіptesterі de maqtan tutady. «Qyzmettesіmіzdіń abyroı bıіgіnen qulap kórgen kezі joq», – deıdі olar.
«Jeke qasıetі boıynsha aıtatyn bolsaq, jumysyna tııanaqty. Úıіne úlgіlі áke. 9 qyzdyń ákesі bola tura, jumys ómіrіne belsendі qatysyp, qylmysty jeke іzіmen anyqtaý barysyna árdaıym atsalysyp otyrady», – deıdі Balqash aýdandyq polıtsııa bólіmіnіń bastyǵy Aıdar Omarov.
Azamat pen Jazıra búgіnde onynshy perzentіn kútіp júr. Ekeýі de ul bolady degen úmіtte.
«Osy kúngі jastar dárіgerge kórіnіp, balalarynyń jynysyn aldyn ala bіlіp alýǵa qumar. Allanyń bergenіne kúpіrlіk qylý – bіzge jat qylyq. Túsіne bіlgen janǵa qyz – keń órіs. Sondyqtan elіmіzdegі analar men qyz-kelіnshekterdі 8 naýryz – Halyqaralyq áıelder kúnіmen quttyqtaımyz!», – deıdі olar.