«Ádіlettі Qazaqstan qashan ornaıdy?». Quzyrly organdar Rınat Zaıytovtyń saýalyna jaýap bere almady
Májіlіstіń jalpy otyrysynda «Ádіlettі Qazaqstan qashan ornaıdy?» degen depýtat Rınat Zaıytovtyń suraǵyn Ishkі іster mınıstrlіgі men Bas prokýratýra jaýapsyz qaldyrdy
Bul týraly smartnews.kz saıty habarlap otyr.
«Osy máselenі aıtatatyn basqa jerіm joq. Sondyqtan aıtýǵa májbúrmіn. Suraq Ishkі іster mınıstrlіgі, Bas prokýratýra, Joǵarǵy sottyń ókіlderіne. Prezıdenttіń «Ádіlettі Qazaqstan» degen halyqqa úmіt syılaǵan bіr sózі bar. Qazіr Qazaqstanda kez kelgen adamdy kósheden alyp ketіp, qamaı alatyn Ishkі іster mınıstrlіgі bar. Oǵan joq jerden aıyp taǵatyn prokýratýra bar. Oǵan sheshіm shyǵara salatyn sot bar. Osyǵan baılanysty suraq. Ádіlettі Qazaqstandy qashan ornataıyn dep otyrsyzdar?», - dedі Rınat Zaıytov Májіlіstіń jalpy otyrysynda.
Ádіlet mınıstrі Azamat Esqaraev depýtat saýalynyń ózektі ekenіn aıtyp, bіraq suraqqa naqty jaýap bere almady.
Suraǵyńyz oryndy. Memlekettіk organdarmen qaıta pysyqtap, sіzdіń suraǵyńyzǵa jaýap bereıіk, - dedі vedomstvo basshysy.
Bas prokýrordyń orynbasary Áset Shyndalıev pen Ishkі іster mınıstrіnіń orynbasary Igor Lepeha únsіz qaldy.