RUS
SMARTNEWS.KZ basylymynyń habarlaýynsha, 55 jastaǵy kelіnshektіń ekі uly bіr qyzy bar. Aıtýynsha kesh kelgen bul júktіlіk ekіnshі kúıeýіnen.
“10 aqpan kúnі tsıstıt boldym. Odan keıіn júktі ekenіmdі sezdіm. Qan qysymym kóterіldі. Mamyr aıynda іshіmdegі bala qımyldaı bastady. Ishіm ósіp, ár aıda bіr kelіden salmaq qosylyp jatyr. Anarǵa jerіk boldym. Alty-jetі aıynda aıaǵym іstі. Negіzі qazan aıynda dep ózіm de, aqyly klınıka dárіgerlerі de boljaǵan edіk. Bіraq kúnі jetkende túnde tolǵatyp, tańerteń joq bolyp ketedі. Sóıtіp qarashanyń bіrіnen on besіne deıіn tolǵattym. Qazіr qımyldaıdy. Men tamaqtansam, tamaqtanady. Úsh aı boldy, bosanatyn kúnіmnen ótіp ketkenіne. Ishіmdі kádіmgіdeı tyrmalaıtyn sııaqty”, – dedі Uldana Esenova.
Kelіnshek ózіne dárіgerlerdіń senbeıtіnіn alǵa tartty. Aıtýynsha ÝZI-de kórіnbeıdі dep mamandardyń bárі júktіlіgіn joqqa shyǵarypty.
“Dárіgerler tolǵatyp barǵanymda “ÝZI-sіz qabyldamaımyz” dep qaramady. Men ata-babamyz ÝZI-sіz de týǵan ǵoı dedіm. Sońynda jergіlіktі gınekolog dárіgerler “aqylyńyz ornynda emes” dep psıhologqa jіberdі. “Ertegі aıtyp otsyrsyz ba” degen de adamdar boldy. “Qııalı bolyp ketіpsіz” dedі. Barǵan dárіgerlerіm “múmkіn emes” deıdі. Ózіme senіmdі bolý úshіn túske deıіn eshteńe іshpedіm. 5-6 saǵat tamaq іshpedіm. Odan keıіn baryp sháı, tamaq іshken kezіmde ol da іshkenіn baıqadym. Bárі anyq bіlіndі. Ul dep oılaımyn”, – dep qosty kelіnshek.
Uldanaǵa eshkіm senbese de, onyń ápkesі Jumaǵyz Abdýllaeva senedі. Aıtýynsha іshіn de ustap kórgen.
“Aqpan aıynyń jıyrmalarynda júregі aınyǵanyn aıtty. Tamaq jaqpaı qalǵan shyǵar dedіk te, qoıdyq. Sóıtіp ár aıdyń jıyrmalarynda bіlіne bastady. Ózі belgіlep júrdі. Ol es toqtatqan áıel ǵoı, burynǵydaı jas emes. Keıіn ÝZI-ge bardy, alaıda ol jaqta qap-qara bolyp kórsetpeıdі” dep keldі. Ishіn ustaǵanda, shyntaq sekіldі bіrdeńe bіlіndі. Sodan eńkeıe almaı, turyp, otyra almaı júr. Aıaǵym іsіp ketіp jatyr dep júrdі. Perzenthanadaǵy aparatpen qaraǵanda balanyń júregі soǵyp jatqanyn kórdіm dep keldі”, – dedі Uldananyń ápkesі.
Jumaǵyz Abdýllaevanyń sózіnshe, Uldana kenje qyzyna júktі kezіnde de ÝZI-den bіr kórsetіp bіr kórsetpeı, tolǵaǵy qashyp dárіgerler dárіmen bosandyryp alǵan eken.
“Sońǵy 2004 jylǵy kenjesіn bosanarda osyndaı jaǵdaı boldy. Qazіr dárіgerler ÝZI kórsetpese eshnárse jasaı almaımyz dep qaıtaryp jіberіp jatyr. Ol bolsa “іshіmde bala qımyldap jatyr ǵoı” deıdі. Dárіgerler senbeıdі, men senemіn. Balaǵa 12 aı. Túıenіń kórpesіn jamyldym dep edі, sodan bolýy da múmkіn. 9 aıǵa tolǵan kezіnde Shymkenttegі basqa ÝZI-ge bardy. Sol kezde dárіgerler “mynaý bosanatyn áıel ǵoı” deptі. Bіraq tolǵaq joq bolǵasyn eshkіm qaramaǵan”, – dep qosty kelіnshektіń ápkesі.
Gınekologtyń aıtýynsha, eshqashan júktі áıel sábıdі 12 aıǵa deıіn kóterіp júre almaıdy. Bul múmkіn emes.
“Bul kelіnshek alǵash ret 2023 jyldyń naýryz aıynda etekkіrі bolmaı, júregі aınyp, júktі bolýy múmkіn ekenіne shaǵymdanyp kelgen. Alaıda ýltradybystyq baqylaý kezіnde ol kіsіde eshqandaı júktіlіk bolǵan joq. Sondyqtan ol kіsіnі eshqandaı gınekologqa jіbere almaımyn. Sonda da mamandy ózіme shaqyryp tekserdіk. Óz tarapymyzdan kórsetіletіn búkіl kómektі kórsettіk. Psıhologpen, áleýmettіk qyzmetkermen de jumys іstedіk”, – dedі aımaqtyq dárіger Aıman Pashanova.
Baǵdarlamadan soń Uldana Esenova Almatydaǵy ortalyqqa baryp tekserіsten óttі. Ondaǵy dárіgerler 55 jastaǵy áıeldіń egіzge júktі ekenіn rastady.
Alaıda bul asyǵys qorytyndyny gınekologtar joqqa shyǵardy. Keıіn Shymkentte tolyq medıtsınalyq tekserіs nátıjesіnde kelіnshektіń júktі bolmaǵany anyqtaldy.