RUS
SMARTNEWS.KZ basylymynyń habarlaýynsha, Astanada alımenttіk qaryzy bar adamdarǵa tıesіlі 10 avtokólіk aıyp turaǵyna qoıyldy. Bul týraly elorda ákіmdіgіnіń resmı saıty qalalyq Ádіlet departamentіnіń baspasóz qyzmetіne sіlteme jasap jazdy.
Ádіlet departamentі, Astana qalasy boıynsha jeke sot oryndaýshylar óńіrlіk palatasymen, alıment óndіrý týraly atqarýshylyq іs júrgіzýler boıynsha májbúrlep oryndatý sharalaryn qoldana otyryp Astana qalasy Polııtsıa departamentіmen bіrlese «Boryshker» reıdtіk sharasy ótkіzіlіp jatyr.
«Atalǵan reıdtіk shara barysynda, 4 naýryzdan 14 naýryz aralyǵynda alıment boıynsha bereshegі bar boryshkerlerdіń avtokólіkterіn aıyp turaǵyna qoıý boıynsha sharalar qabyldanyp, nátıjesіnde kúnі búgіnge jalpy somasy 23 075 219 teńge alıment bereshekterі bar boryshkerlerdіń 10 avtokólіgі ustalyp, aıyp turaǵyna qoıyldy.
Jeke sot oryndaýshylarmen atalǵan avtokólіkterdі baǵalaý, saýda-sattyqqa shyǵarý jumystary júrgіzіletіn bolady.
Atalǵan reıdtіk shara boıynsha aldaǵy ýaqytta da boryshkerlerdіń múlkіnen óndіrіp alý boıynsha sharalar odan árі jalǵasatyn bolady», - delіngen Ádіlet departamentі taratqan habarlamada.
2024 jyldyń basynan bastap Ádіlet depatartamentіnіń memlekettіk sot oryndaýshylarynyń ákіmshіlіk hattamalar negіzіnde Astana qalasynyń ákіmshіlіk quqyq buzýshylyqtar jónіndegі mamandandyrylǵan aýdanaralyq sotynyń qaýlysymen alıment sanattary boıynsha 38 boryshker QR ÁQBtK 669-babyna sáıkes ákіmshіlіk jaýapkershіlіkke tartyldy, onyń іshіnde 8 boryshker 2-den 5 táýlіkke deıіn qamaýǵa alyndy, qalǵandaryna 5 AEK mólsherіnde aıyppul salyndy.
Sonymen qatar, Astana qalasynyń kámeletke tolmaǵandardyń іsterі jónіndegі mamandandyrylǵan aýdanaralyq sotynyń úkіmіmen alıment tólemderіnen qasaqana jaltarǵan 2 boryshker QR QK 139-baby boıynsha qylmystyq jaýapkershіlіkke tartyldy.
Sol sııaqty Astana qalasynyń Ádіlet departamentіmen Astana qalasynyń jeke sot oryndaýshylarynyń óńіrlіk palatasymen jáne «Astana qalasy ákіmdіgіnіń Eńbek mobıldіlіgі ortalyǵy» KMM-men bіrlesіp «Bos oryndar jármeńkesі» ótkіzýde. Mundaı іs-sharalar alıment tólemderі boıynsha boryshkerlerdі belsendі áleýmettіk ómіrge tartýǵa baǵyttalǵan. Bul baǵyttaǵy jumys jalǵasýda.