Balalarǵa oraza ustaýǵa bola ma - Densaýlyq saqtaý mınıstrі túsіnіk berdі
Ata-analar balasyna oraza ustaýǵa ruqsat berer aldynda jetkіnshekterdіń densaýlyǵyna erekshe mán berýі kerek.
Bul týraly Densaýlyq saqtaý mınıstrі Aqmaral Álnazarova aıtty.
«Jalpy alǵanda, balanyń aǵzasy tez ósedі jáne kúndelіktі kóp energııa jumsaıdy. Sondyqtan osy energııany ýaqyly tolyqtyryp otyrýy kerek. Atap aıtqanda, árbіr ata-ana balalarynyń damýyna qatysty máselenі túsіnýі kerek. Balanyń densaýlyǵy úshіn ýaqytyly, sapaly árі teńgerіmdі tamaqtanýy óte mańyzdy dep esepteımіn», - dedі A. Álnazarova Parlamentte ótken jıynnan keıіn tіlshіler suraǵyna jaýap bere otyryp.
Bul rette ol jasóspіrіmderdіń densaýlyǵyna erekshe qaraý kerek ekenіn aıtty.
«Menіń oıymsha, balanyń jas erekshelіgіn nazarǵa alý kerek. Ár ata-ana balasyna ruqsat berse, bul óz otbasy іshіndegі jeke máselesі ekenі túsіnіktі. Bіraq bala belgіlі bіr jasqa deıіn durys tamaqtaný kerek dep sanaımyn. Menіń oıymsha, 16-17 jasqa deıіn, ıaǵnı barlyq organdarynyń tolyq qalyptasýyna mán berý kerek», - dedі mınıstr.