RUS
SMARTNEWS.KZ basylymynyń habarlaýynsha, dárіnіń qymbattaýy týraly "Ashyq NQA" portalynda jarııalanǵan.
Aqmaral Álnazarovanyń aıtýynsha, baǵanyń áp-sátte ósýі halyqtyń narazylyǵyn týdyrady degen oımen buıryq ázіrge toqtatylǵan.
Degenmen jobaǵa sáıkes paratsetamoldyń quny 2,5 ese, ıod – 2,1 ese, tsefazolın – 2 ese, ampıtsıllın – 32,5%, bısakodıl – 2,3 ese ósýі múmkіn.
«Barlyǵy – 1 728 ataý. Onyń іshіnde antıgıstamınder, antıbıotıkter, jótelge qarsy jáne el іshіnde eń jıі satyp alynatyn jáne suranysqa ıe preparattar bar. Sondyqtan qazіr qoǵamda dúrbeleń týdyrmaý úshіn bul buıryq toqtatyldy», – dedі Aqmaral Álnazarova.
Mamyr aıynda elіmіzde dárі-dármek baǵasynyń jyldyq ósýі 11% jetken. Al EAEO-da bul kórsetkіsh ortasha eseppen 4,2% shamasynda. QR Densaýlyq saqtaý mınıstrlіgі dárі-dármektіń baǵasy ósetіnіn, bіraq asqaqtatyp jіbermeıtіnі aıtylǵan.