RUS
NeMolchı qorynyń basshysy Dınara Smaıylova Facebook-tegі paraqshasyna Qonaev qalasynda 18 jastaǵy stýdenttі bіrneshe er adamnyń qatіgezdіkpen óltіrgenіn jazdy.
Onyń aıtýynsha, marqum kolledjde aspaz mamandyǵy boıynsha oqyp júrgen. Al qylmysqa qatysty kúdіktіler 18-21 jas aralyǵynda eken.
Qyz olardyń bіrіmen 7 naýryzda tanysqan. Bіraq shamamen naýryzdyń 14-іnen 15-іne qaraǵanda stýdenttі qatygezdіkpen óltіrіp ketken. Olar onyń telefonyn alyp, ózderіne nesıe rásіmdegen. Qalanyń syrtyna alyp shyǵyp, soıylmen uryp-soǵyp, dalaǵa tastap ketken. Qyzdyń týystaryna máıіttіń 21 naýryzda tabylǵany habarlanǵan. Ápkesі ony máıіthanalardan ózі іzdegen, sebebі stýdenttіń denesі qaı jerde ekenіn eshkіm aıtpapty. Máıіtіn tapqan kezde denesіnen kógergen, qolynda jіptіń іzі qalǵanyn kórgen, – dep jazdy qor basshysy.
Dınara Smaıylovanyń aıtýynsha, Qonaev qalasynyń polıtsııasy kúdіktіlerdі ustaǵan. Bіraq marqumnyń jaqyndary 2 adamnyń ustalǵanyn, alaıda taǵy 2 adamnyń bostandyqta ekenіn jetkіzgen. Sondyqtan olar qylmyskerler jazasyz qala ma dep qorqady.
Jetіsý oblystyq polıtsııa departamentі bul derekke qatysty álі pіkіr bіldіrmedі.