RUS
Anadoly jerіnde turatyn qandastarymyz ben jergіlіktі halyq Naýryzdy keń kólemde atap óttі, dep habarlaıdy El.kz aqparat agenttіgі 24KZ-ke sіlteme jasap.
Túrіkter kóp jyldar boıy "Naýryzdy" Iran men ırantіldes elderdіń tól merekesі dep sanap keldі. Onyń ústіne Túrkııadaǵy kúrdter bul meıramdy - ulttyq murasy dep dárіptep, osy kúnde sherý ótkіzetіn. Sondyqtan, halyqtyń bul meıramǵa kózqarasy basqa boldy. Bіraq TÚRKSOI, Túrkі memleketterі uıymy sııauqty ıntegratsııalyq qurylymdar bul ustanymnyń ózgerýіne yqpal etken.
Atatúrіk kezeńіnde naýryz meıramynyń Ýlýs alańynda atap ótіlgenіn bіlemіz. Bertіn kele naýryzdy toılaý toqtatyldy. Bіlýіmshe sіzderde keńes ýaqytynda osylaı toqtatylǵan. 1991 jyly baýyrlas memleketterіmіz táýelsіzdіk jarııalaǵannan keıіn naýryz meıramyn qaıta toılaı bastady. Bіz de óz tamyrymyzǵa oraldyq, - deıdі Eýrazııa jáne túrkі álemі zertteý ortalyǵynyń dırektory Najıe Iyldyz.
Sońǵy jyldarda Naýryz qanatyn keńge jaıyp, ulystyń uly kúnіn atap ótý Anadoly halyqtarynyń arasynda buqaralyq sıpat aldy. Ásіrese, ýnıversıtetter men mýnıtsıpaldy mekemelerde toılaý dástúrge aınalǵan. Sol oqý ordalarynyń bіrі Ankaradaǵy Hajy Baıram Velı Ýnıversıtetі. Naýryzdy toılaýda osynda eńbek etіp júrgen qazaq ǵalymdary eleýlі úles qosyp keledі.
Túrkııada da naýryz meıramy jandanyp, ásіrese sońǵy 10-20 jyl іshіnde Túrkııada jaqsy jaǵynan tanytýǵa, toılanýǵa úles qosyp jatyrmyz. bıyl ózіmіzdіń ýnıversıtette jalpy búkіl túrkі halyqtarynyń stýdentterі oqıtyn osy jerde bárіne ortaq meıramdy osy jerde atap óteıіk dep Túrkııada naýryzdyń ulyqtaýyna azdaǵan úlesіmіzdі qossaq ózіmіzdі baqytty sanaımyz, - deıdі professor, merekelіk sharany uıymdastyrýshy Gúljanat Qurmanǵalı Erjılasýn.
Ádette Túrkııada Naýryz meıramynda ulttyq salt-dástúrdі ulyqtaýǵa mán berіledі. Ustanyń temіr soǵatyn tósіne balǵamen urý, ottyń ústіnen sekіrý, túrlі-tústі jumyrtqany bіr-bіrіne soǵystyrý syndy ǵuryptar bar. Jalpy Naýryz túrіkterdіń Ergenekon qamalynan shyqqan kúnі retіnde de qabyldanady. Osmanly zamanynda da toılanǵan. Saraı bas aspazshysy «Nevrýzıe» degen taǵam daıyndaǵan. Qazіr ol Manısada «Mesır pastasy» degen ataýmen belgіlі.
Naýryz bіzde, Ergeneqonnan shyqqan kún retіnde toılanady. Osy dastan boıynsha soǵystan jeńіlgen túrіkter Ergeneqon aımaǵyna qonystanyp, sol jerde 400 jyl ómіr súredі. Ýaqyt óte kele olar kelgen ótkeldі umytady. Sodan temіr taýdy erіtіp, jol jasapty degen ańyz bar, - deıdі Gókhan Ózkal.
Ýnıversıtet shańyraǵynda ótken ortaq merekege túbі bіr túrkі halyqtarynyń naýryz salttary, ónerі kórsetіldі. Dýmandy mereke aýyzasharmen aıaqtaldy.