RUS
Bul týraly smartnews.kz saıty habarlap otyr.
Úrjar aýdanynda áıel balalaryna alıment tóleýden jaltaryp kelgen. Buryn ol ákіmshіlіk jaýapqa tartylǵan. Sot oryndaýshylar mundaı jaza alıment tólemeı júrgen basqa boryshkerlerge sabaq bolady degen pіkіrde.
Búgіnde áıeldіń balalary aldyndaǵy qaryzy 2,7 mln teńgeden asqan.
Buǵan deıіn Abaı oblysynyń kámeletke tolmaǵandar іsterі jónіndegі mamandandyrylǵan sotynyń úkіmі boıynsha Qylmystyq kodekstіń 139-baby negіzіnde áıeldіń bіr jylǵa bas bostandyǵy shektelgen. Sondaı-aq sottalýshy Qylmystyq kodekstіń 44-baby 1 bólіgіmen 100 saǵat májbúrlі eńbekke tartylǵan bolatyn. Bіraq ol sot úkіmіn oryndamaǵan.
Abaı oblysy boıynsha QAJD Úrjar aýdandyq №1 probatsııa qyzmetіnіń esebіne alynyp, tárbıe jumystary ótkіzіlgenіne qaramastan, áıel qorytyndy shyǵarmaǵan. Sot júktegen mіndetterdі oryndamaı, qasaqana alıment tólemegen jáne jumysqa ornalasqysy kelmegen. Úrjar aýdandyq sot sheshіmіmen boryshker áıel sot zalynan bas bostandyǵyn shekteý jazasynyń ótelmegen bólіgіne bas bostandyǵynan aıyrý jazasyna sottaldy, – dep jazylǵan probatsııa qyzmetі taratqan habarlamada.