Kásіp bastaý úshіn granttar alýǵa ótіnіm qabyldaý bastalady

Qazaqstan aýmaǵy boıynsha alǵashqy lekte 4 500 adamǵa grant berý josparlanyp otyr. 

Granttar qaıtarymsyz negіzde berіledі, nysanaly maqsaty – jańa bıznestі bastaý jáne damytý..

Grant kólemі 400 AEK  (1 476 800 teńge) quraıdy. Ár qatysýshy ony tek bіr ret ala alady.

Grant qarajaty іsіn jańa bastaǵan kásіpkerlerge ózderіnіń bıznes-áleýetіn ashýǵa, óndіrіstі jolǵa qoıýǵa jáne damytýǵa, sol arqyly ózіn turaqty tabyspen qamtamasyz etýge múmkіndіk beredі.

Ótіnіm berý úshіn qajet:

• portalda tіrkelý;
• grant alý sharttaryna sáıkestіgіne tekserýden ótý;
• bıznes-jospar úlgіsіn júktep alyp, ony toltyrý jáne portalǵa engіzý;
• ótіnіsh nysanyn toltyrý jáne ETSQ kіltіmen qol qoıý.

Internetke nemese kompıýterge qoljetіmdіlіk bolmaǵan jaǵdaıda, mansap ortalyqtarynyń ózіne-ózі qyzmet kórsetý aımaqtarynda, halyqqa qyzmet kórsetý ortalyqtarynda ótіnіm berýge bolady.

Grant alý úshіn bіrneshe shartty saqtaý qajet.

Jańa bıznes-ıdeıany іske asyrýǵa grant alýǵa úmіtker bola alady:

• tіrkelgen jumyssyzdar;
• jeke kásіpkerler (tіrkeý merzіmі 3 jylǵa deıіn).

Bul rette úmіtker tómendegі áleýmettіk sanattardyń bіrіnen bolý kerek:

• múgedektіgі bar adamdar;
• qoldanystaǵy «kandas» mártebesі bar adamdar;
• óńіraralyq qonys aýdarýshylar;
• az qamtylǵan otbasy múshelerі;
• kópbalaly otbasy múshesі (jubaıy / zaıyby);
• múgedektіgі bar balany tárbıelep otyrǵan adam (jubaıy / zaıyby);
• asyraýshysynan aıyrylý boıynsha járdemaqy alýshylar.

Úmіtkerdіń «Bastaý Bıznes» jobasy boıynsha kásіpkerlіk negіzderіne oqytý týraly 3 jyldan aspaıtyn merzіmge sertıfıkaty bolýy tıіs.

Rásіmderdіń ashyqtyǵyn qamtamasyz etý, adamı faktordy azaıtý, ótіnіsh berýshіlerge yńǵaıly bolý úshіn granttar berýdіń búkіl protsesі elektrondy formatqa aýystyryldy. Grant alýǵa ótіnіmderdі qabyldaý bіryńǵaı tereze – Business.enbek.kz portaly arqyly júzege asyrylady.

Grantty: qajettі qural-saımandardy, eńbek quraldaryn, tehnologııalyq jabdyqtardy, maldardy, janýarlardy, qustardy, kóshetterdі, butalardy, tuqymdardy satyp alýǵa, oryn-jaılardy jalǵa alý aqysyn tóleýge alýǵa bolady.

Granttar: tutynýshylyq maqsattarǵa, kredıttіk qaryzdardy óteýge, jyljymaıtyn turǵyn úı satyp alýǵa jáne salýǵa, jer ýchaskelerіn satyp alýǵa, aktsızdeletіn ónіmder óndіrýge berіlmeıdі.

Granttardy Eńbek mobıldіlіgі ortalyqtary grant alýǵa úmіtkerlerdіń ótіnіshterіn qaraý jónіndegі aýdandyq/qalalyq komıssııanyń sheshіmі negіzіnde beredі.

Úmіtkerler óz bıznes-jobasyn komıssııa otyrystarynda tanystyrady. Bul rette komıssııanyń árbіr múshesі bıznes-jospardy baǵalaıdy jáne baǵalaý paraǵyn mynadaı ólshemsharttar boıynsha toltyrady: bıznes-ıdeıanyń básekege qabіlettіlіgі, ótkіzý naryqtarynyń pysyqtalýy, bıznes-jobanyń qarjylyq ómіrsheńdіgі, kásіpkerlіk daǵdylardyń deńgeıі, jańa jumys oryndaryn qurý.

Osylaısha, grant berý týraly sheshіm komıssııalyq túrde jáne úmіtkerlerdіń bıznes-jobalarynyń pysyqtalýyn baǵalaýdyń naqty ólshemsharttary negіzіnde qabyldanady.

Komıssııa sheshіmі úmіtkerdіń Portaldaǵy jeke kabınetіne jіberіledі. Komıssııanyń oń sheshіmі bolǵan jaǵdaıda úmіtker bank derektemelerіn usynady, shartqa qol qoıady jáne odan árі toqsan saıyn qarajattyń paıdalanylýy týraly esep beredі. Munyń bárі Eńbek mobıldіlіgі ortalyqtary men onyń fılıaldaryna (mansap ortalyqtaryna) barmaı-aq, elektrondy formatta jasalady.