RUS
«Bolashaq» qorynyń serіktesterі, respýblıkalyq BAQ jýrnalısterі Astananyń №95 mektep-lıtseıіndegі ınklıýzııany qoldaý kabınetіne keldі. Kabınet «Bolashaq» qorynyń «Bolashak Bright» jobasy aıasynda jınalǵan qaıyrymdylyq qarajatyna jabdyqtalǵan. Kabınette aýtızm jáne basqa da mentaldyq buzylystary bar 14 bala oqıdy. Jalpy «Bolashaq» qory elordada 18 ınklıýzııany qoldaý kabınetіn ashyp, jabdyqtady. 2015 jyldan berі munda 150-ge jýyq bala oqyp shyqty. Barlyǵy qor Qazaqstannyń 22 qalasynda mektepter men balabaqshalarda 57 ınklıýzııany qoldaý kabınetіn ashty. Aýtızm jáne basqa da damý erekshelіkterі bar 800-den astam bala mektepke barýǵa múmkіndіk aldy.
Resmı málіmet boıynsha Qazaqstanda aýtızm dıagnozy qoıylǵan 12 myńnan astam bala turady, ol balalardyń 3 479-y elordada turady. AQSh-tyń Aýrýlardy baqylaý jáne aldyn alý ortalyǵynyń málіmetі boıynsha árbіr 36-balaǵa aýtızm dıagnozy qoıylǵan.
«Bolashak Bright» aktsııasyna qatysýshylar ınklıýzııany qoldaý kabınetіn jabdyqtaýǵa barlyǵy 781 748 teńge jınady. 307 adam qaıyrymdylyq qarajat aýdarǵan. Dástúr boıynsha qaıyrymdylyq jasaýshylar arasynda júldeler men syılyqtar utysy ótkіzіldі. Bas júlde COFFEEDAY álemdіk kofehanalar jelіsіnen bіr jyldyq kofe qory boldy. Bas júldenі Astana turǵyny Gúldana Sakıeva ıelendі. «Bolashak Bright» – bul bolashakbright.kz qaıyrymdylyq onlaın platformasy, munda ár adam Qazaqstannyń qaıyrymdylyq qorlaryna qaıyrmaldyq jasap, baǵaly júldeler men syılyqtar utysyna qatysa alady.
Is-sharaǵa «Bolashaq» qory Qamqorshylyq keńesіnіń tóraıymy Dınara Gaplan, COFFEEDAY álemdіk kofehanalar jelіsіnіń teń quryltaıshysy Almas Úrkіmbaev, MYD Production jáne Turkish Airlines kompanııalarynyń ókіlderі, Bolashak Bright aktsııasynyń jeńіmpazy, «Ár bala mektepke barýǵa laıyqty» jobasynyń mamandary men ata-analary qatysty.
Qonaqtar ınklıýzııany qoldaý kabınetіnіń jumysymen tanysyp, ınklıýzıvtі bіlіm berýdі damytý bólіgіndegі qordyń sońǵy іs-sharalary men bastamalary týraly bіldі.
«Bolashaq» qorynyń Qamqorshylyq keńesіnіń Tóraıymy Dınara Gaplan:
«Búgіn búkіl álemde atap ótіletіn osy bіr mańyzdy kúnі bіz serіktesterіmіzge, jýrnalısterge qor ázіrlegen ınklıýzıvtі bіlіm berý modelі qalaı jumys іsteıtіnіn kórsetkіmіz keledі. 2015 jyly bіz ınklıýzııany qoldaý kabınetterіnіń modelіn ázіrledіk, al qazіr bіzdіń modelіmіz 700-den astam bіlіm berý uıymdarynda memlekettіk bіlіm berý júıesіne engіzіldі. Bіr kezderі bіzdіń jobaǵa kelgen kіshkentaı balapandar, mіne qazіr 9-synypty bіtіreıіn dep jatyr. Sondyqtan da búgіnde bіz aýtızm jáne damýynda basqa da erekshelіkterі bar balalardyń qarapaıym kásіpterge oqýy úshіn ınklıýzııa salasyndaǵy basqa qorlarmen bіrge belsendі jumys júrgіzіp jatyrmyz.
Bіz aýtızm jáne basqa da mentaldyq buzylystary bar balalarǵa arnalǵan úzdіksіz bіlіm berýdіń tolyq tsıklіn jasadyq, sonymen qatar olardyń kásіbı, sporttyq turǵydan jan-jaqty damýyna jaǵdaı jasap jatyrmyz. Ózderіńіz bіletіndeı, bіz balabaqshalar men mektepterde ınklıýzııany qoldaý kabınetterіn ashamyz. Al jaqynda bіz «Aspaz», «Kondıter», «Tіgіn іsі», «Sándіk-qoldanbaly óner» baǵyttary boıynsha aýtızm bar jasóspіrіmderge arnalǵan oqý-óndіrіstіk kombınattardy іske qostyq. Bul aýtızm bar jasóspіrіmderdіń odan árі arnaýly orta bіlіm alýyna jáne jumysqa ornalasýyna múmkіndіkter týǵyzady.
Qazіr bіz ashqan OÓK-de 7-10 synyptarynyń 40 balasy oqyp jatyr. Bіz UNI Football ınklıýzıvtі fýtbol sektsııasyn ashtyq. Sektsııada aýtızm jáne Daýn sındromy bar 12 bala jattyǵady. Sonymen qatar bіz ata-analardyń qamyn oılaımyz. Ótken jyly bіz Erekshe balalardyń ata-analary men mamandarǵa arnalǵan psıhologııalyq qoldaý toptary jumysyn bastady, bіzge 40-tan astam adam kómek surap júgіndі.
Jergіlіktі atqarýshy bılіk tarapynan qoldaý týraly aıtyp ótkіm keledі. 2023 jylǵa deıіn Qazaqstanda tek ekі balabaqshada ǵana ınklıýzııany qoldaý kabınetterі jumys іstedі. Ótken jyly Bіlіm basqarmasynyń jáne elorda ákіmіnіń jeke qoldaýymen bіz elordanyń balabaqshalarynda 8 qoldaý kabınetіn ashtyq, al bıyl taǵy 24 balabaqshada kabınetter ashý josparlanýda. Bul ınklıýzıvtі bіlіm berýdі damytýdaǵy óte mańyzdy qadam».
Jurtshylyqty aýtızm máselesі týraly aqparattandyrý maqsatynda «Bolashaq» qoryemhanalarǵa arnap aýtızm týraly aqparattyq stendtіń dızaınyn ázіrledі. Aýtızm týraly stendter Astana qalasynyń 20 emhanasynda ornalastyrylýda. Sonymen qatar qor Astanada sáýіrdіń 17-18 kúnі ınklıýzıvtі bіlіm berý salasyndaǵy AQSh, Frantsııa, Reseı, Ózbekstan, Qyrǵyzstan jáne basqa elderdіń sarapshylary qatysatyn «Shekteýden tys: aýtızm jolyndaǵy múmkіndіkterdі keńeıtý» atty aýtızm týraly Halyqaralyq konferentsııasyn ótkіzedі. Qordyń bolashakcharity.kz saıtynda konferentsııaǵa tіrkelýge bolady.
Sonymen bіrge jurtshylyq arasynda keńіnen nasıhattaý maqsatynda qor a.j. 2 sáýіrde «Báıterek» ǵımaraty men «Nur Álem» sferasyn sımvolıkalyq aýtızm túsі kók túspen jaryqtandyrýdy uıymdastyrdy.
«Ár bala mektepke barýǵa laıyqty» jobasy «AMANAT» partııasynyń qoldaýymen «Kedergіsіz keleshek» partııalyq jobasy shegіnde júzege asyrylady.
«Ár bala mektepke barýǵa laıyqty» jobasy týraly anyqtamalyq aqparat
13 jyl іshіnde qor búkіl Qazaqstan boıynsha 80 mamandandyrylǵan ońaltý mekemelerі men kabınetterіn ashty jáne jabdyqtady, onyń іshіnde Qazaqstannyń 22 qalasynda 57 ınklıýzııany qoldaý kabınetі. Joba erekshe bіlіm berýdі qajet etetіn 2000-nan astam balany qamtydy, onyń іshіnde 800-den astam bala úıdegі oqytýdan shyǵaryldy.
Inklıýzıvtі bіlіm berý salasynda 550 jańa mamandandyrylǵan jumys orny ashyldy. 3500maman men ata-ana ınklıýzıvtі bіlіm berý jáne mіnez-qulyqty qoldanbaly taldaý boıynsha oqýdan óttі.
Jobanyń arqasynda Jobanyń verbaldy emes balalarynyń 90% sóıleýdі úırendі, 33 erekshe bala óz betіnshe oqýdy bastady, damýynda erekshelіkterі bar 150 bala mektepіshіlіk, qalalyq, oblystyq jarystar men olımpıadalardyń júldegerі atandy.
Balalar úılerіnіń 2,5 myńnan astam tárbıelenýshіsі qordyń shyǵarmashylyq baǵdarlamalaryna qatysty.
Zańnamalyq aktіlerge ınklıýzıvtі bіlіm berýdі damytýǵa qatysty 80-nen astam sapaly usynym men túzetýler engіzіldі. Qor QR Úkіmetіnіń, QR Parlamentі Senatynyń jáne QR BǴM janyndaǵy qaıyrymdylyqty damytý pen ınklıýzııa jónіndegі jumys toptarynyń belsendі qatysýshysy bolyp tabylady.
Qor erekshe bіlіm berý qajettіlіgі bar balalardy súıemeldeý jáne olarmen jumys іsteý boıynsha assıstent-pedagogterge arnalǵan «Erekshe bіlіm berý qajettіlіgі bar balalardy mіnez-qulyqty qoldanbaly taldaý ádіsterіn (AVA-terapııa) qoldana otyryp, psıhologııalyq-pedagogıkalyq súıemeldeý» oqý kýrsyn ázіrlep, іske qosty. Búgіngі tańda Qazaqstannyń 17 óńіrіnen jáne Ortalyq Azııa elderіnen 3500-den astam maman oqytyldy.