Áleýmettіk kásіpkerler 7 paıyzben shaǵyn nesıe ala alady

Kezdesý ashyq pіkіrtalas formatynda óttі. Jıynǵa qatysýshylar eldegі áleýmettіk kásіpkerlіktіń qazіrgі jaı-kúıі men odan árі damý perspektıvalaryn talqylady.

UEM basshysy atap ótkendeı, Qazaqstanda áleýmettіk kásіpkerlіktі memlekettіk qoldaý sharalarynyń keń aýqymy qarastyrylǵan, onyń іshіnde salyqtyq jeńіldіkter, qarjylyq jáne aqparattyq qoldaý.

Onyń aıtýynsha, aǵymdaǵy jyldyń aqpan aıynan bastap áleýmettіk kásіpkerler úshіn Kásіpkerlіktі damytý jónіndegі ulttyq joba sheńberіnde memlekettіk qoldaý sharalary usynyldy. Tıіstі tіzіlіmge engіzіlgen áleýmettіk kásіpkerlіk sýbektіlerі salalyq shekteýsіz jeńіldetіlgen nesıe alýǵa úmіtker bola alady. IAǵnı, 7% mólsherleme boıynsha syıaqy mólsherlemesіn sýbsıdııalaý, ınvestıtsııalyq maqsatqa - 1,5 mlrd. teńgege deıіn nesıe qarastyrylǵan, 500 mln. teńge – aınalym qarajatyn tolyqtyrýǵa arnalǵan.

Sondaı-aq, olarǵa ınvestıtsııalyq maqsatqa 20 mln teńgege deıіn nesıe, aınalym qarajatyn tolyqtyrýǵa 5 mln teńgege deıіn 7% mólsherlememen shaǵyn nesıeler berіletіn bolady.

«Mınıstrlіk ákіmdіkterge jeke bıznestі qoldaý kezіnde áleýmettіk kásіpkerler úshіn basymdyqtardy anyqtaýdy usyndy. «Damý» qorynyń, jergіlіktі bıýdjettіń jáne basqa da kózderdіń aralas qarajaty esebіnen túpkіlіktі mólsherlemesі 1% quraıtyn ShOB sýbektіlerіn qoldaýdyń óńіrlіk baǵdarlamalary sheńberіnde nesıeler/mıkrokredıtter boıynsha sýbsıdııalar berіletіn bolady», - dedі Ulttyq ekonomıka mınıstrі.

Qarjylyq emes qoldaý sharalary aıasynda bıznestі júrgіzýge servıstіk qoldaý kórsetý, kásіpkerlerge aqparattyq-taldamalyq qoldaý kórsetý, «іskerlіk qarym-qatynastar» quraly jáne «Men – Kásіpker» jobasy boıynsha bıznestі júrgіzýdі oqytý qarastyrylǵan.

Sondaı-aq, kezdesý barysynda osy saladaǵy ózektі problemalarǵa qatysty máseleler kóterіldі. Bul áleýmettіk kásіpkerlіk sýbektіlerіn baǵalaýdyń bіryńǵaı krıterııіn qurý, jobalardy іrіkteý, komıssııa quramyn qaıta qaraý, tіzіlіmdі qalyptastyrý, nesıe berý kezіnde EDB-nіń (ekіnshі deńgeılі bank) kepіl saıasaty jáne t.b.

Kezdesý qorytyndysy boıynsha Á.Qýantyrov barlyq aıtylǵan usynystar boıynsha Mınıstrlіktіń ustanymyn belgіlep, árbіr másele jeke qaralatynyna sendіrdі. Mınıstr óńіrlіk saparlar kezіnde áleýmettіk kásіpkerler nysandaryna barýdy jalǵastyratynyn aıtty.