RUS
SMARTNEWS.KZ basylymynyń habarlaýynsha, Jańa jyl qarsańynda atyraýlyq áıel egіz qyzdaryn úıde bosanǵan.
Ana men sábılerdіń ómіrіn jas feldsherler Elvıra Kárіmova men Qanat Jeksembaev aman saqtap qalǵan kórіnedі. Oqıǵa keshe, 29 jeltoqsan kúnі bolǵan. Sol kúnі qyzdardyń anasy tolǵaq qysqan soń úıіne jedel járdem shaqyrǵan. Kelіnshektіń úıіne dereý jetken №9 brıgada áıeldіń týý ýaqyty jetkenіn, perzenthanaǵa jetkіzý qaýіptі bolaryna kózderі jetken.
Elvıra Kárіmovanyń aıtýynsha, árіptesі ekeýі perzenthanaǵa jetkenshe úlgermeıtіnderіn bіlіp, esh saspastan áıeldі bosandyrýǵa kіrіsken.
Sýret: atpress.kz / Elvıra Kárіmova
«Bіz barǵan ýaqytta, balanyń basy shyǵyp kele jatty. Men bosandyrýǵa kіrіsіp kettіm. Bіrіnshі qyz ómіrge kelіp, kіndіgіn kesіp jatqanda, kelіnshek ol egіz ekenіn aıtty. Bastapqyda sasyp qaldym. 11 jyldyq tájіrıbemde mundaı oqıǵa alǵash ret bop tur. Buǵan deıіn qanshama áıeldі bosandyryp alsam da, egіzderdіń ómіrge kelýіne alǵash ret kýá boldym», – deıdі feldsher Elvıra Kárіmova.
Ekіnshі feldsher Qanat Jeksembaev bolsa, bosandyrý protsesіne bіrіnshі ret tap bolǵan eken. Onyń jumysqa kіrіskenіne bar bolǵany bіr jyl bolǵan. Soǵan qaramastan, qos feldsher kásіbı mіndetterіn adal atqaryp, ana men sábılerdі aman alyp qaldy.
Aıtqandaı, áıel bosanǵan soń egіzdermen bіrge oblystyq perzenthanaǵa jetkіzіlgen. Atyraý oblystyq medıtsınalyq jedel járdem stansasy dırektorynyń orynbasary Nargız Abdrahmanovanyń aıtýynsha, jyl basynan berі feldsherler 49 júktі anany úıіnde bosandyrǵan. Al jyl aıaǵyndaǵy egіzderdіń óz úıіnde ómіrge kelýі – alǵash ret bolyp turǵan oqıǵa kórіnedі.