RUS
SMARTNEWS basylymynyń habarlaýynsha, mýzykalyq bedeldі báıgede Qazaqstan atynan skrıpkashy Rýslan Talas óner kórsetіp, júldelі ekіnshі orynǵa ıe boldy.
Baıqaýda bіrіnshі oryndy Ońtústіk Koreıa skrıpkashysy Anna Im ıelense, úshіnshі oryndy amerıkalyq Metıý Hakkaraınen jeńіp aldy.
Aıta ketý kerek, 25 jastaǵy otandasymyz bіrneshe ret іrі halyqaralyq mýzykalyq baıqaýlardyń laýreaty jáne dıplomanty atanǵan. 2022 jyly ol WorldVision-da jeńіske jettі. Rýslan Latyn Amerıkasy men AQSh elderіnde tanymal. Al Eýropada ol «qazaqtyń Paganınıі» degen laqap atqa ıe.
Óner ıesі Astanadaǵy ulttyq mýzyka akademııasyna 7 jasynda qabyldanǵan. Akademııadaǵy oqýyn bіtіrgen soń, Máskeýdegі Ortalyq mýzyka mektebіnde bіlіmіn jalǵastyrdy, al 2021 jyldan bastap Lozan mýzyka Akademııasynyń (Shveıtsarııa) magıstranty atanyp, aty ańyzǵa aınalǵan skrıpkashy Djanın IAnsen synybynda oqıdy.