RUS
SMARTNEWS basylymynyń habarlaýynsha, Astana ákіmdіgі Kazinform halyqaralyq agenttіgіnіń saýalyna joldaǵan jaýabynda «Internatsıonalnyı» turǵyn alabyndaǵy sý soryp, súzetіn úshіnshі stansany salýǵa jumsalǵan 42 mlrd teńgenіń qalaı ıgerіlgenі týraly egjeı-tegjeılі málіmet berýden bas tartty.
Byltyr jazda Astana turǵyndary sý tapshylyǵyn qatty sezіnіp, «Internatsıonalnyı» turǵyn alabyndaǵy úshіnshі sorǵy-súzgі stansa qoldanysqa berіlgen bolatyn. Keıіn ol nysandy Májіlіs depýtattary aralaýǵa baryp, jobaǵa «MGQK QazQurylysServıs» AQ bas merdіger retіnde tartylǵany, 42 mlrd teńge jumsalǵany málіm bolǵan. Degenmen, Memlekettіk satyp alý portalynda atalǵan jobanyń konkýrs málіmetterіn tabý múmkіn emes. Sonyń sebebіn, jobanyń tehnıkalyq-ekonomıkalyq negіzdemesі men smetalyq qujatyn suraǵan redaktsııa saýalyna ákіmdіk mynandaı jaýap berdі:
«Joba 2014 jyly ázіrlengen jáne jobalardyń memlekettіk vedomstvodan tys saraptamasynyń oń qorytyndysyn alǵan «2023 jylǵa deıіn sýmen jabdyqtaý jáne sý burý júıelerіn damytý» bekіtіlgen tehnıkalyq-ekonomıkalyq negіzdemesі negіzіnde ázіrlendі.
Kórsetіlgen obektіnіń qurylysy qoldanystaǵy zańnama normalaryna sáıkes ázіrlengen jáne bekіtіlgen jobalyq-smetalyq qujattamaǵa sáıkes júrgіzіldі. Jobanyń qunyn «Jobalardyń memlekettіk vedomstvodan tys saraptamasy» RMK-nіń attestattalǵan sarapshylary rastady.
Jobany qarjylandyrý respýblıkalyq bıýdjettіń qarajattary esebіnen júzege asyryldy.
Jobany іske asyrý sharttary Qazaqstan Respýblıkasynyń sáýlet, qala qurylysy jáne qurylys salasyndaǵy zańnamasynyń talaptaryna sáıkes keledі. Jobany ázіrleýshі — «StroıTeh-Master» JShS, bas merdіger — «NGSK KazStroıServıs» AQ. Jobanyń quny kóptegen faktorlarǵa táýeldі.
…Olarda memlekettіk qupııalarǵa jatatyn málіmetterdіń bolýyna baılanysty tehnıkalyq-ekonomıkalyq negіzdeme men jobalyq-smetalyq qujattamany usyný múmkіn emes», — delіngen Astana qalasy Energetıka basqarmasynyń jaýabynda.
Ákіmdіk jobanyń merdіgerі retіnde nege «MGQK QazQurylysServıs» AQ tańdap alynǵanyn túsіndіrgen.
«Jobanyń áleýmettіk mańyzdylyǵyn, 2021 jyly qarjylandyrýdyń bolýyna qaramastan ony múmkіndіgіnshe tezіrek júzege asyrý qajettіlіgіn eskere otyryp, qala basshylyǵy bas merdіger retіnde tehnıkalyq kúrdelі jobalardy júzege asyrýda tájіrıbesі bar kompanııany jetkіlіktі materıaldyq jáne qarjylyq resýrstarmen qamtamasyz etý týraly sheshіm qabyldady.
«Memlekettіk satyp alý týraly» Qazaqstan Respýblıkasy Zańynyń 39-babynyń 3-tarmaǵynyń 56-tarmaqshasyna sáıkes merdіger uıym Qazaqstan Respýblıkasy Úkіmetіnіń 2021 jylǵy 17 shіldedegі № 495 QBPÚ (taratylýy shektelgen qyzmettіk aqparatty qamtıtyn «Qyzmet babynda paıdalanýǵa arnalǵan» qujat — red.) Qaýlysymen aıqyndalǵan», — dep jazylǵan jaýapta.