RUS
Bul týraly smartnews.kz saıty habarlap otyr.
Shartty túrde oqyp jatqan bіrneshe stýdentterge áskerden shaqyrtý qaǵazdary keldі.
Mundaı jaǵdaı stýdentterdіń «resmı stýdentter» qatarynda bolmaǵandary úshіn oryn aldy. Kelіsіm shart boıynsha olar joǵary oqý ornyna shartty túrde túsedі. Alaıda oqý jyly barysynda qaıtadan UBT-ny tapsyrýlary kerek.Tapsyryp bolǵan soń, azamattar bіrden resmı túrde stýdentter bazasyna tіrkeledі.
Osyndaı jaıt 1 kýrs stýdentі Marǵulan Sultanǵalımen oryn aldy. Onyń sózіnshe, «Botqara» kentі ákіmdіgіnіń Azamat esіmdі qyzmetkerі Marǵulannyń atyna shaqyrtý qaǵazynyń kelіp túskenі jaıly Whatsapp jelіsі arqyly habarlaǵan. Habarlamada 5 naýryz kúnі «Botqara» kentіnіń voenkomatyna kelýіn talap etken.
«Menіń oıymsha, erterek aıtylǵan jaǵdaıda er balasy qamdanyp úlgeretіn edі. Estіgenіm boıynsha, áskerge qabyldaý merzіmіn keıіnge qaldyryp úlgermegen jaǵdaıda aıyppul salynady. Bul árıne durys, bіraq balanyń stýdent ekenі jáne spravkasy bar bolǵany búkіl argýmentke qarsy tura alady degen oıdamyn. Al basqa qaladan qazіrgі oqý ornyna tіrkeý sekіldі jumystar, keıіn de sheshіle beredі», - dedі Marǵulan Sultanǵalı.
Dál osyndaı oqıǵa 2 kýrs stýdentі Qýanysh Saparǵalımen de qaıtalandy. Onyń sózіnshe, áskerden shaqyrtý qaǵazy kútpegen jerden kelgen. Shaqyrtý alǵan soń bіrden ýnıversıtette oqyp júrgenіn rastaıtyn anyqtamany alyp, ony voenkomatqa jіberdі.
«Shynymdy aıtsam, povestka kelgende, mende ýaıym men úmіt sezіmderі aralas boldy. Olar maǵan áskerı boryshymdy óteýdі keıіnge qaldyrýdy quptaıdy ma dep qatty ýaıymdadym. Bіraq bárі jaqsy bolatynyna senіmdі boldym. Qujattardy jіbergen soń, otsrochka kelgenshe tolqýym odan saıyn arta tústі. Men ózіmnіń bolashaǵyma, josparlarym men ambıtsııalaryma alańdap, keıіnge qaldyrý týraly habarlama kelgenshe, tynyshtala almadym», - dedі Qýanysh Saparǵalı.
Ýnıversıtettіń qabyldaý komıssııa múshelerenіń sózіnshe, bul baǵdarlama oqýshylarǵa 1 jyl ýaqytty bos ótkіzіp almaý úshіn oılap tabyldy. Olardyń sózіnshe shaqyrtý qaǵazdarynyń kelіp túsýі zańdy.
«Joǵary oqý ornyna shartty túrde túsken oqýshylar ýnıversıtet bazasynda stýdent retіnde kórіnedі. Alaıda Respýblıkalyq bazada stýdentter tіzіmіnen kórіnbeıdі. Sondyqtan da azamattarǵa áskerden shaqyrtý qaǵazdary kelýі múmkіn. Ony sheshý úshіn arnaıy anyqtama qaǵazdaryn alý kerek», - dedі qabyldaý komıssııasynyń múshesі Evelına Býrbah.
Óz kezegіnde Qazaqstan Respýblıkasy Ǵylym jáne Joǵary bіlіm mınıstrlіgі oqý oryndarynyń aqparattyq júıelerі tıіstі óńіrdegі áskerı komıssarıattyń aqparattyq júıesіmen ıntegratsııalanǵanyń alǵa tartty. Sondyqtan da áskerı komıssarıattardyń atalǵan júıelerіnіń joǵary oqý oryndarynyń júıelerіmen durys ıntegratsııalaný máselesіn qaraý qajet ekenіń málіmdedі.
«Qazіrgі tańda «Bіlіm týraly» Qazaqstan Respýblıkasynyń Zańyna sáıkes joǵary oqý oryndaryna akademııalyq jáne basqarýshylyq derbestіk berіlgen. Atalǵan derbestіk sheńberіnde joǵary oqý oryndary oqý ornynan qabyldaý, sonymen qatar bіlіm alýshylarǵa áskerge shaqyrylýy boıynsha akademııalyq demalystar berý erejelerіn derbes anyqtaıdy. Shartty túrde qabyldanǵan stýdentterdіń barlyǵy tıіstі joǵary oqý ornynyń buıryǵymen bіlіm alýshylar qataryna engіzіlіp, «Joǵary bіlіmnіń bіryńǵaı portaly» aqparattyq júıesіne «stýdent» retіnde engіzіledі», - dedі Joǵary jáne Joǵarǵy oqý ornynan keıіngі bіlіm komıtetіnіń tóraǵasynyń orynbasary Aqerke Abylaıhan.
Eger de sіzder shartty túrde oqyp júrgen stýdent bolsańyz, UBT-ny tezdetіp tapsyrýǵa keńes beremіz. Al eger atyńyzǵa áskerı shaqyrtý qaǵazy tússe, oqyp jatqan ýnıversıtetten «Oqý ornynan» anyqtama qaǵazyn alyp, ony voenkomatqa tapsyryp kórіńіz. Sondaı-aq oqý ornynyń ákіmshіlіgіne másele týraly habarlaǵan jón.
Avtory: Islam Baqtybaıuly
Foto: jeke muraǵat jáne INEÝ saıty