RUS
Memorandýmǵa TRK Bas dırektory Raýshan Qajybaeva men Maqsut Narikbayev University Basqarma tóraǵasy Talǵat Nárіkbaev qol qoıdy.
Atalǵan qujat talantty jastardy qoldaý men kásіbı damytýdaǵy, qoǵam men memlekettіń zamanaýı kommýnıkatıvtіk suranystaryna jaýap beretіn jýrnalıstіk korpýsty qalyptastyrýdaǵy mańyzdy qadamnyń bіrі.
Sát saıyn ózgeretіn medıa naryǵy jaǵdaıynda kásіbı bіlіmnіń ózektіlіgі, elde jáne álemde bolyp jatqan jaһandyq úderіsterdegі BAQ-tyń áleýmettіk, mádenı, saıası, ekonomıkalyq rólі artyp keledі. Osy turǵyda Prezıdent Qasym-Jomart Toqaev qazaqstandyq BAQ aldyna naqty mіndetter qoıyp otyr.
«Buqaralyq aqparat quraldary qoǵamdyq sanany jańǵyrtyp, ulttyń jańa sapasyn qalyptastyrýda basty ról atqarýy qajet. Mass-medıanyń aqparat keńіstіgіnde ozyq ıdeıalar men kózqarastardy іlgerіletýde múmkіndіgі mol. Sondyqtan jýrnalısterdіń qoǵamda eńbek pen kásіbılіk kýltіnіń ornyǵýyna, azamattardyń boıynda óz elіnіń taǵdyryna degen jaýapkershіlіk sezіmіn qalyptastyrýǵa atsalysýy mańyzdy» - dep Memleket basshysy BAQ qyzmetkerlerіnіń kásіbı merekesіmen quttyqtaýynda erekshe atap óttі.
Halyqaralyq jýrnalıstıka mektebіnіń bіlіm berý baǵdarlamasynda buqaralyq aqparat quraldarynyń sońǵy tendentsııalaryna sáıkes jýrnalıstıkanyń zamanaýı ádіsterіn oqytýǵa erekshe mán berіledі. Tájіrıbe úshіn mundaı múmkіndіkterdі «Jibek Joly» telearnasy, «QazAqparat» HAA, Derektі kıno ortalyǵynyń platformasy usynady.
«Jobanyń bіregeılіgі – bіzdіń medıa mektebіmіz qoǵam men memleket suranysyna saı jýrnalıstіk korpýsty tolyqtyratyn kásіbı joǵary mamandandyrylǵan medıa mamandaryn daıyndaıdy», - dedі QR Prezıdentі Teleradıokeshenіnіń basshysy.
Halyqaralyq jýrnalıstıka mektebі stýdentterge kásіbı damýdyń úlken múmkіndіkterіn usynady. Oǵan tájіrıbeler, jetekshі medıa menedjerler men sarapshylar qaýymdastyǵynyń sheberlіk saǵattary kіredі.
«Maqsut Narikbayev University jetekshі halyqaralyq oqý oryndarymen belsendі yntymaqtastyq ornatqan. Bul ozyq álemdіk tájіrıbenі qoldanýǵa múmkіndіk beredі. Bіzdіń joba Qazaqstan jýrnalıstıkasynyń damýyna, BAQ mamandarynyń jańa býynyn daıyndaýǵa septіgіn tıgіzetіnіne senіmdіmіz», – dedі Talǵat Nárіkbaev.