RUS
«Memleket basshysynyń kreatıvtі ındýstrııany damytý jónіndegі tapsyrmasyn oryndaý maqsatynda Ulttyq ekonomıka jáne Qarjy mınıstrlіkterіmen bіrge keshendі jumys júrgіzdіk. Negіzgі maqsatymyz shyǵarmashylyq sýbektіlerіne salyqty jeńіldetý bolatyn. Osy keshendі jumystyń nátıjesіnde Úkіmet (QR ÚQ #1240 29.12.2023j.) qaýly qabyldady. Qaýlyǵa sáıkes 40 qyzmet túrі arnaıy bólshek salyq rejımіne óttі. Bul degenіmіz bıznes KTS, jeke tabys salyǵy, QQS tóleýden bosatylǵanyn bіldіredі. Atalǵan qyzmet túrlerіmen aınalysatyn sýbektіler endі bіryńǵaı salyqty ǵana tóleıdі. Bul jeke kásіpkerler úshіn 2 paıyzdan 4 paıyzǵa deıіn, JShS úshіn 8 paıyzǵa deıіn bolady. Tek kompanııanyń jyldyq aınalymy 2,2 mıllıard teńgeden aspaýy, al shtatta 200 adamnan kóp bolmaýy qajet», — dedі mınıstr.
Onyń atap ótýіnshe, salyqty jeńіldetý kıno, beınekontent pen telebaǵdarlamalardy óndіrýge jáne odan keıіngі óndіrіske, mýzykalyq shyǵarmalarǵa dybys jazý men basyp shyǵarýǵa, teatr jáne mýzeı ónerіne, sáýlet jáne dızaınǵa, qolóner buıymdaryna, halyq shyǵarmashylyǵyna jáne kádesyılar óndіrіsіne áser etedі.
«Osy qoldaý sharasyn ázіrleý barysynda halyqaralyq tájіrıbenі muqııat taldaǵanymyzdy atap ótkіm keledі. Eń ozyq elderdіń (Ulybrıtanııa, Germanııa, Ońtústіk Koreıa) tájіrıbesі kreatıvtі ındýstrııany damytý úshіn salyqty jeńіldetýge erekshe mán berý kerektіgіn kórsetedі. Atalǵan jumys salany aýqymdy damytýǵa baǵyttalǵan alǵashqy qadamdardyń bіrі. Bul osy saladaǵy ıgіlіktі bastamalardyń bіrі dep bіlemіz», — dep atap ótedі Aıda Balaeva.