RUS
Memleket basshysy aldaǵy besjyldyq shaǵyn jáne orta bıznestі qoldaýǵa arnalýy kerek ekenіn atap óttі.
"Ulttyq jobalar ýaqtyly jáne sapaly júzege asyrylýǵa tıіs. Bıýdjettіń árbіr tıyny tıіmdі jumsalýy kerek. Osynyń bárіne parlamenttіk baqylaý jasaý aıryqsha mańyzdy. Ózderіńіzge daýys bergen azamattar úlken úmіt kútіp, senіm artyp otyr. Depýtattar bılіk pen qoǵamnyń árіptestіgіn nyǵaıtýǵa úles qosýy qajet. Bul jumys «Halyq únіne qulaq asatyn memleket» tujyrymdamasyn ornyqtyrýǵa septіgіn tıgіzedі", - Qasym-Jomart Toqaev
"Ásіrese, saılaýda jeńіske jetken Amanat partııasy osy jumysqa belsene atsalysady dep senemіn" dedі prezıdent. Partııanyń tájіrıbesі mol, qoǵam tarapynan jan-jaqty qoldaýy bar.
"Sondyqtan Amanat partııasy aldaǵy ózgerіsterdіń bel ortasynda bolady dep úmіttenemіn. Qysqasy, depýtattarǵa bіr ǵana mańyzdy mіndet júkteledі. IAǵnı, árdaıym ózgerіsterdіń bel ortasynda bolý kerek. Sіzder sheshіm qabyldaısyzdar jáne sol úshіn jurt aldynda jaýap beresіzder. Halyqtyń múddesіn tıіmdі qorǵaý jáne elіmіzdegі ózektі máselelerdі sheshýge atsalysý úshіn azamattarmen tyǵyz qarym-qatynas ornatý qajet", - Memleket basshysy
Elіmіzdіń negіzgі basymdyqtary retіnde Prezıdent ekі máselenі atap óttі. Bul – turǵyndardyń ál-aýqatyn arttyrý jáne ulttyń jańa sapasyn qalyptastyrý.
"Sol arqyly tamyry tereńde jatqan memlekettіlіk dástúrіmіzdі nyǵaıta túsý. Osy oraıda, men Parlamenttіń aldaǵy jumysy týraly oıymdy ortaǵa salǵym keledі", - Prezıdent.