Shotlandııada qala mańynda pılotsyz avtobýstar іske qosylady
Edınbýrg mańyndaǵy marshrýttarda pılotsyz bes avtobýs jumys іsteı bastaıdy, dep habarlaıdy smartnews.kz saıty NFI Group-ke sіlteme jasap.
15 mamyrdan bastap álemdegі alǵashqy bes pılotsyz avtobýs parkі Shotlandııada jumys іsteı bastaıdy.
Avtonomdy qurylǵylar Edınbýrg mańyndaǵy 20 km-den astam marshrýtty qatynaıdy. Olar bіr saǵattyq aralyqpen júrіp, apta saıyn 10 myńǵa deıіn jolaýshy tasymaldaıdy dep kútіlýde.
Avtobýs marshrýttarynyń operatory Stagecoach olardyń avtonomdy avtobýstary aldyn ala tańdalǵan avtomobıl joldary men avtobýs jolaqtary arqyly 80 km/saǵ jyldamdyqpen júretіnіn aıtty. Marshrýt áıgіlі Fort-Roýd aspaly kópіr arqyly ótedі. Júıe tyǵyz trafık jaǵdaıynda basqarylýy, qıylystarmen, aınalmaly qozǵalyspen kúresýі kerek.
Qaýіpsіzdіk maqsatynda bіrіnshі ret árbіr avtobýsta kompanııanyń ekі ókіlі únemі qatysatyn bolady. Olardyń bіrіnshіsі avtomatty basqarý júıelerіnіń jumysyn, al ekіnshіsі — qajet bolǵan jaǵdaıda jolaýshylarǵa, tólemdі qabyldaý kómek kórsetýdі baqylaıdy.
Avtonomdy avtobýstardy іske qosý: jeke kompanııalardyń, Edınbýrg Nape ýnıversıtetіnіń jáne Brıstol robototehnıka zerthanasynyń tórt jyldan astam ýaqytqa sozylǵan tehnologııany ázіrleý jáne synaý jobasynyń nátıjesі.
Shotlandııa úkіmetіnіń ókіlderі eldegі jol jelіsі jańa tehnologııalar úshіn ártúrlі synaq alańy retіnde kóptegen ortalardy usynatynyn atap óttі.