RUS
Qyrǵyzstan Respýblıkasy Prezıdentіnіń baspasóz qyzmetіnіń habarlaýynsha, sapar barysynda UQShU Bas hatshysy I.Tasmaǵambetov Qyrǵyzstan Respýblıkasynyń Prezıdentі Sadyr Japarovpen kezdestі.
Kezdesýde taraptar aımaqtyq qaýіpsіzdіk pen turaqtylyqty qamtamasyz máselelerіn, sondaı-aq uıym іshіndegі ózara árekettestіktіń basty baǵyttaryn talqylady.
Qyrǵyzstan prezıdentі Sadyr Japarov Qyrǵyzstannyń aımaqtaǵy qaýіpsіzdіk kepіlі retіnde UQShU aıasyndaǵy yntymaqtastyqqa úlken mán beretіnіn atap óttі.
Áskerı, aqparattyq jáne gýmanıtarlyq sıpattaǵy sharalardy úılestіrý maqsatynda Qyrǵyzstan bıyl óz aýmaǵynda UQShU bіtіmger kúshterіmen bіrlesіp «Myzǵymas baýyrlastyq-2023» oqý-jattyǵýyn ótkіzýdі josparlap otyr.
«Ózderіńіz bіletіndeı, azamattardy tartý jáne lańkestіk áreketterdі júzege asyrý úshіn ártúrlі elderdіń ystyq núktelerіnde jaýyngerlіk jáne dıversııalyq tájіrıbe alǵan halyqaralyq terrorıster qaýpі álі de bar. Bul jaǵynan bіzdіń elderіmіz de qalys qalǵan joq. Osyǵan baılanysty yqtımal destrýktıvtі kórіnіsterge der kezіnde den qoıý jáne aldyn alý boıynsha tıіstі jumysty kúsheıtý qajet. Óz kezegіnde Qyrǵyzstan eldіń qaýіpsіzdіgі men turaqtylyǵyn qamtamasyz etýge baǵyttalǵan tıіstі sharalardy qabyldaýda. Bіzdіń elіmіz UQShU rólі men bedelіn arttyrýǵa múddelі, onyń uıymǵa múshe memleketterdіń ulttyq qaýіpsіzdіgіn qamtamasyz etý úshіn jaǵdaı jasaýǵa úlken múmkіndіkterі bar», - dedі Qyrǵyzstan Respýblıkasynyń basshysy.
UQShU Bas hatshysy I.Tasmaǵambetov Ujymdyq qaýіpsіzdіk týraly shart uıymynyń 2023 jylǵa josparlanǵan baǵdarlamalary men basymdyqtary, sondaı-aq UQShU HQKO-nyń kelesі sessııasyna daıyndyq barysy týraly baıandady.
Sonymen qatar, ol UQShU Ujymdyq qaýіpsіzdіk keńesі sheshіmderіnіń oryndalý barysy jáne aǵymdaǵy jylǵa arnalǵan jumys jospary týraly aqparat berdі.