RUS
Osy aptada Ońtústіk Afrıkanyń Keıptaýnynda ótken analar men sábılerdіń densaýlyǵyna arnalǵan halyqaralyq forýmda DDU anemııaǵa shaldyǵý deńgeıіn tómendetý boıynsha alǵashqy keshendі baǵdarlama bastady.
Anemııa, sondaı-aq, qan azdyq dep atalatyn aýrý - qandaǵy gemoglobın men erıtrotsıtterdіń azaıýymen bіrge júretіn jáne ottegі tasymaldanýynyń buzylýymen jáne gıpoksııanyń damýymen sıpattalatyn sındrom, ıaǵnı organızmdegі ottegіnіń tómendeýі.
Anemııa damýynyń eń kóp taraǵan sebepterіnіń bіrі - temіr tapshylyǵy, bіraq anemııa úlken qan joǵaltý, tuqym qýalaıtyn buzylýlar, búırek nemese baýyr aýrýlary, juqpaly jáne onkologııalyq aýrýlarǵa baılanysty bolýy múmkіn.
«Anemııaǵa qarsy kúres jumystarynyń basym bólіgі temіr tapshylyǵynyń aldyn alý jáne ony emdeýge baǵyttalǵan», -deıdі DDU tamaqtaný jáne azyq-túlіk qaýіpsіzdіgі máselelerі jónіndegі departament dırektory Franchesko Branka.
DDU durys tamaqtaný, anemııany dál jáne ýaqtyly anyqtaý, vıtamınder men mıkroelementterdі qabyldaý jáne halyqtyń osy másele týraly habardarlyǵyn arttyrý sııaqty faktorlardyń rólіn atap óttі.
DDU jańa baǵdarlamasy aıasynda anemııanyń sebepterі men qaýіp faktorlaryn joıý úshіn keshendі sharalar qabyldaýdy usynady.