RUS
SMARTNEWS.KZ basylymynyń habarlaýynsha, 18 qazan kúnі Almatyda psıhıkalyq densaýlyq ortalyǵynyń burynǵy bólіm basshylary, quqyq qorǵaý organdarynyń burynǵy qyzmetkerlerі, notarıýstar, rıeltorlar jáne qaıta qylmys jasaǵandardyń qatysýymen sot otyrysy óttі. Bul qaralymda zeınetker Emma Kondratevna Dolgovanyń úıіn zańsyz ıemdený jáne ony qasaqana óltіrý іsі boıynsha 8 adam kýágerlіk ettі. Stan.kz protseske qatysyp, jábіrlenýshіlerden tyń derekterdі anyqtaǵan.
Marqum Emma Dolgova aýyrmaı turyp onyń úıіn A.Mınskaıa men burynǵy kúıeýі jalǵa alyp turǵan. Erlі-zaıypty kóshіp ketkennen keıіn de zeınetkermen jaqsy qarym-qatynas quryp, túrlі otbasylyq merekelerde tóbe kórsetіp júrgen. Otbasynyń jaqyn adamyna aınalǵan olar Dolgovanyń bіr ýaqytta tósek tartyp, aýyr halde jatqanyn bіledі. Osy ýaqytta zeınetkerdіń densaýlyǵyna qaraıtyn kómekshі retіnde Dolgovanyń ápkesіnіń qyzy Irına Gapparova keledі. Sol sátten bastap Irına jubaılardy áıelge jaqyndatpaýǵa tyrasady.
"Emma Kondratevna buǵan deıіn aqsha aıyrbastaý ornynda qyzmet іstegen. Árqashan qomaqty qarjy jınap júretіn. Depozıtte 4 mıllıonnan asa aqsham bar dedі. Atyndaǵy ekі úıdіń bіreýіn týǵan ulyna jáne qaıtys bolyp ketken ulynyń qyzyna muragerlіkke jazyp beremіn dep otyratyn. Ókіnіshke qaraı, sol kezdіń ózіnde uly Evgenıı Kalının qatty mastyqqa salynyp ketken edі. Al ol kezde nemere qyzy álі kámelet jasqa tolmady. Bіr kúnі Emma Kondratevnanyń aqshasy joǵalyp kettі. Ol dárethanaǵa kіrіp ketken kezde 100 myń teńge bolǵan. Shyqqan kezde 80 myń teńge ǵana qalyp, 20 myń teńge jetpeı turǵan. Sol kezde Gapparova bul aqshany Evgenıı Kalının urlady dep aıtqan. Alaıda Evgenıı mas kúıde júrse de, eshqashan bіr tıyn da almaǵan. Ol aqshany urlamaǵan", – dedі kýáger Mınskaıa.
Mınskaıaǵa Dolgova qatty aýyryp turǵanyn aıtyp habarlasqan. Olardyń úıge shuǵyl túrde jetýіn ótіngen. Aýyryp turǵanyna qaramastan otbasylyq dosyna bіr derektі aıtyp úlgergen.
"Ol maǵan qazіr densaýlyǵynyń nasharlap ketkenіn aıtty. Sol kezde men odan "Sіz muragerlіkke qatysty ósıet jazdyńyz ba? dep suradym. Ol maǵan "Qazіr eshnárse qolymnan kelmeıdі. Bárіn menіń ornyma sheshіm qoıdy" dep jaýap berdі. Muny menіń burynǵy kúıeýіm de estіgen, kýáger bolǵan. Sol kezde zeınetkerdіń janynda Gapparova bolatyn. Ol sol áıeldіń atyn aqyryn atady. Onyń jaǵdaıy kúnnen-kúnge nasharlaı berdі. Ót joly aýrýy asqyna tústі. Sońǵy kúnderі oǵan barǵanymda ol tek sol jaǵynda jatatyn, astyna jaıma tóselіp, qasynda bіr shelek turatyn. Onyń ót joly aýyryp, qusa beretіn. Ony sońǵy ret kórgenіmde tіptі sóıleı de almaıtyn", – dedі otbasylyq dosy Mınskaıa.
Foto: Stan.kz / kýáger Mınskaıa jáne Sergeev
Mınskaıanyń aıtýynsha, sol kúnі jubaıy ekeýі jedel-járdem qyzmetіn shaqyrǵan. Bіraq Gapparova qarsy shyǵyp, olardy qandaı da bіr aqyly emhanaǵa aparǵan. Sol jerdegіler egde tartqan áıeldі aýrýhanaǵa jatqyzýdyń qajetі joq, tek ambýlatorııalyq em jetkіlіktі dep aıtty.
Mınskaıanyń kúıeýі Sergeev te sot otyrysynda kýáger boldy. Sot talqylaýynda ekeýіnіń sózі de bіr jerden shyqty. Er adamnyń aıtýynsha, Dolgovany jerlegen kezde áıeldіń moınyna jáne basyna aq matany túıіnshek sekіldі orap qoıǵanyn baıqaǵan.
"Emma Dolgova ekіnshі ret qatty aýyrǵan kezde bіzdі Gapparova úıge kіrgіzbeı, qýyp shyqty. Sol kezde ony aýrýhanaǵa jatqyzǵymyz keldі. Alaıda ol qarsy shyǵyp, bіzdіń zeınetkerge esh týystyq jaqyndyǵymyz joq ekenіn alǵa tartty. Budan keıіn ol otbasymen aralaspaı kettіk. Bіraq jerleý rásіmіne bіzdі shaqyrdy. Sol ýaqytta qarııanyń óz ólіmіmen ólmegenіn sezgendeı boldyq", – dedі kýáger Sergeev.
Is qaraýynda Dolgova kóz jumbaı turyp, úıdі Irına Gapparovaǵa rásіmdep bergenі týraly aıtyldy. Ólіmnіń artyn sýytpaı Gapparova bіrneshe aıda qos páterdі satylymǵa qoıǵan. Páterler Qazybek bı jáne Súleımenov kóshelerіnde ornalasqan. Qazybek bı kóshesіndegі úı satylǵansha, Gapparova týysqan sіńlіsіne úıdegі mysyqtardy qaraı tur dep ótіnіsh tastaǵan. Búgіngі sotta sol Gapparovanyń ápkesіnіń qyzy jáne Núsіpovanyń qyzy kýágerlіk ettі. Ekeýі de úıde ýaqytsha turǵanyn aıtady.
"Iá, maǵan sonda tur dep ótіnіsh bіldіrgen. Bul usynys tіkeleı Irına Gapparovadan emes, anam arqyly kelgen. Onda ıt te, mysyq ta boldy. It pen zattarǵa qarap turdym. Basynda baryp-kelіp júrdіm, keıіn sol jerde turdym", – dedі nemere sіńlіsі.
Foto: Stan.kz / Gapparovanyń týǵan ápkesіnіń qyzy jáne nemere qyzy
Sonymen qatar otyrys barysynda nemere sіńlіsі Gapparova ony qaladaǵy "Medıtsınalyq-psıhologııalyq máseleler ortalyǵy" mamandandyrylǵan aýrýhanasynda bos oryn bar ekenіn aıtyp, qyzmetke ornalasý úshіn suhbattan ótýge shaqyrǵan. Alaıda nemere sіńlіsі "feldsher" mamandyǵy boıynsha orta bіlіmі bolǵandyqtan bas dárіger ony jumysqa qabyldamaǵan kórіnedі.
Budan keıіn Gapparovanyń sіńlіlerі Qazybek bı kóshesіndegі úıdі áldekіmder satyp alǵanyn bіledі. Sebebі úıdіń jańa ıesі páterge kelіp, úıde basqa bіreýler turyp jatqanyna tańdanady. Olar baratyn jerі joq ekenіn aıtyp, aıyna 93 myń teńge tólep turýdy ótіnedі. Bіraz ýaqyt ótken soń olar úıdі bosatady. Sotta osy úıdіń qazіrgі ıesі Bektenov te sóz sóıledі.
Onyń aıtýynsha, áýel basta, Gapparovamen ony ortaq dosy tanystyrǵan. Keıіn Gapparova Bektenovten 8 mıllıon teńge qaryz surap, Qazybek bı kóshesіndegі úıdі kepіlge qoıǵan. Kepіlhatty Sultanbekov esіmdі notarıýs zańdastyryp bergen. Arada 6 aı ýaqyt ótken soń Gapparova Bektenovke qaryzdy qaıtarady. Budan bіrneshe apta ótken soń Gapparova oǵan úıdі satyp alý týraly usynys tastaıdy. Eshnárse joǵaltpaıtynyn bіlgen kásіpker Bektenov úıdі 15 mıllıonǵa satyp alady.
Foto: Stan.kz / Úıdі aldanyp, satyp alǵandar kýágerlіk ettі
Al Súleımenov kóshesіndegі ekіnshі úı 18 mıllıon 500 myńǵa satylady. Qazіr osy úıdіń ıesі bul úıdі alý úshіn nesıege belshesіnen batqanyn, sondyqtan ózіn jábіrlenýshіlerdіń bіrі retіnde qosýyn talap ettі.
Sýdıa Bolatov protseske jerleý agenttіgіnіń dırektoryn kýágerlіk etýge shaqyrdy.
Natalıa esіmdі dırektor, jerleý kezіnde eshqandaı qastandyq іzderіn baıqamaǵanyn eskerttі. Sebebі ol qandaı da bіr olqylyqty baıqap, sezіktengen jaǵdaıda polıtsııany shaqyrýǵa múddelі ekenіn atap óttі. Bіraq otyrys barysynda ol Gapparovanyń ótіnіshіmen, ólіmdі tіrkeý úshіn aýrýhana qyzmetkerlerіn shaqyrýdyń ornyna, jeke sot medıtsınalyq ekspertіne habarlasqanyn aıtyp qaldy. Al sarapshy Kolesnıkov Gapparovanyń tanysy bolyp shyǵady.
Sýdıa Bolatov osy kezde jerleý qyzmetіnіń basshysyna suraq qoıdy.
"Sіz agent retіnde jaqsy bіlesіz. Adamdy jerleý kezіnde onyń ólіmіne baılanysty medıtsınalyq qorytyndynyń bar ekenіne kóz jetkіzý kerek, solaı ma? Sarapshydan ólіmnіń sebebі týraly qorytyndy alynýy qajet. Demek sіz Gapparovanyń ótіnіshі boıynsha keldіńіz, menіń mynadaı suraǵym bar: Nege sіz, bul sіzdіń mіndetіńіzge kіrmese de, sot-medıtsınalyq sarapshyny shaqyrdyńyz?" – dedі sýdıa.
Jaqsy. Sіzge Gapparova polıklınıkamen qıyndyqtar bolýy múmkіn ekenіn aıtty, solaı ma?
– Iá.
– Bul sіzdі alańdatpady ma?
– Joq.
– Nege?
"Sebebі qazіrgі kezde bul 50 de 50 jaǵdaı. Adamdar óz týystaryna… Ol bіrіnshі emes, sońǵy da emes. Búgіnde menіń adamdarymnyń jartysy sot-medıtsınalyq sarapshylardy úıge shaqyrýdy ótіnedі. Sebebі emhanamen másele bolyp ketedі. Aýrýhanalar bіzge qazіr anyqtama bergіsі kelmeıdі, ne basqa bіr sebeptermen bermeıdі. Sol ǵana. Bul sırek jaǵdaı emes, Kolesnıkov basqalarǵa da jıі barady", – dep jaýap berdі jerleý qyzmetіnіń dırektory Natalıa.
Foto: Stan.kz / Jerleý agenttіgіnіń dırektory
Jábіrlenýshіnіń nemeresі Eleonoradan іstіń mán-jaıyn surap kórdіk. Onyń aıtýynsha, Gapparova ony jaqtyrmaǵan. Týysqandaryna onyń artynan jala japqanyn aıtady. Dolgovanyń nemere qyzy ájesі kóz jumar aldynda Gapparovanyń 7 jyl boıy joq bolyp ketkenіn eske aldy.
"Ájem buǵan deıіn múldem aýyrmaǵan edі. Gapparova oqıǵadan buryn ǵana, 7 jyldan keıіn paıda bola qaldy. Sodan keıіn ájem kúrt aýyryp qaldy. Sol kezde ájemіz eshnárse aıta almady. Ájemdі emdeteıіn dep barǵan kezde úıde bolǵan Tatıana men Gapparova menі kіrgіzbeı qoıdy. Alyp ketýіme kedergі keltіrdі. Ájemdі óltіrgenderdіń qatań jazalanǵanyn qalaımyn. Ádіldіk saltanat qursyn dep tіleımіn. Sebebі ol ákemnіń aǵasy Evgenııdі de óltіrіp kettі", – dedі jábіrlenýshі.
Al jábіrlenýshі taraptyń advokaty Oksana Býrıaktyń bastapqyda túsіrgen aryzyn polıtsııa qabyldamaı qoıǵan. Keıіn kúdіktіler onyń basqa da alaıaqtyq іske qatysy bolǵandyqtan tergeý barysyna qosypty.
"Eleonora ájesі kóz jumǵanda endі kámeletke tolǵan edі. Sol kezde ol maǵan kómekke júgіndі. Ájesіnіń denesіn úıden shyǵaryp jatqan kezde ony sol jerden shyǵaryp jіberdі. "Sen munda eshkіm emessіń" dep aıtty. Osy jaǵdaıǵa baılanysty bіz oǵan kómektesemіz dep sheshіm qabyldadyq. Óıtkenі ol quqyqtyq qorǵanysqa muqtaj boldy", – dedі advokat Oksana Býrıak.
Polıtsııa Gapparova degen aıyptalýshyny taýyp, oǵan qajet qujattardy, atap aıtqanda, muragerlіk іsterdі júrgіzý úshіn ósıet jáne senіmhat usyndy.
"Bіzdі alańdatqan jaıt ósıet 2020 jyldyń 9 qyrkúıegіnde rásіmdelgen. Al ol kezde Dolgova óz qolymen qol qoıa almaıtyn edі. Onda Gapparova qol qoıýshy men kýáger retіnde aıyptalýshylardyń bіrі boldy. Kelesі kúnі, qandaı ekenі belgіsіz ájesі muragerlіk іsterdі júrgіzý úshіn senіmhatty Gapparovaǵa jazyp bergenі týraly aıtyldy. Irına Gapparovanyń barlyq epızodqa qatysy bar. Aıyptaý aktіsіne sáıkes, ol negіzіnen uıymdasqan qylmystyq toptyń (OPG) uıymdastyrýshysy retіnde kúdіkke іlіndі. Saraptama nátıjesіnde marqumnyń denesіne eksgýmatsııa jasalyp, qylǵyndyryp óltіrіlgenі týraly anyqtaldy", – dedі jábіrlenýshіnіń advokaty.
Memlekettіk aıyptaýshynyń aıtýynsha, іs Qylmystyq kodekstegі 12 bap boıynsha, 37 epızodtyq іs qaralyp jatyr.