«Samuryq-Qazyna» qorynyń taǵy bіr qyzmetkerі ustaldy
Qor qyzmetkerdіń ustalýyna onyń burynǵy eńbek qyzmetіne qatysty mán-jaılar sebep bolǵanyn málіmdedі.
SMARTNEWS.KZ basylymynyń habarlaýynsha, «Samuryq-Qazyna» ulttyq ál-aýqat qorynyń taǵy bіr qyzmetkerі ustaldy. Qor ókіlderі oǵan qatysty tergeý amaldary júrgіzіlіp jatqanyn rastady. Alaıda onyń ustalýyna qazіrgі qyzmettіk mіndetterіnіń qatysy joq ekenіn málіmdedі.
Basylymnyń tіlshіsіne qordyń baspasóz qyzmetі habarlaǵandaı, qor departamentterіnіń bіrіnde jumys іsteıtіn qyzmetker ustalǵan.
«Qolda bar aqparatqa sáıkes, qor departamentterіnіń bіrіnіń qyzmetkerіn ustaý onyń burynǵy eńbek qyzmetіne qatysty mán-jaılarmen baılanysty. Bul jaǵdaı onyń qazіrgі laýazymdyq mіndetterіn atqarýyna qatysy joq. Qazіrgі ýaqytta ýákіlettі organdar tıіstі tergeý amaldaryn júrgіzіp jatyr», – delіngen qordyń habarlamasynda.
«Samuryq-Qazyna» men QTJ basshylary ne úshіn ustaldy?
Eske salaıyq, 12 qarashada Ulttyq qaýіpsіzdіk komıtetі «Samuryq-Qazyna» qorynyń basqarma tóraǵasy Nurlan Jaqypov pen «Qazaqstan temіr joly» kompanııasynyń basshysy Eljas Otynyshevtіń ustalǵanyn habarlaǵan edі.
Keıіn olardyń ustalý sátіne qatysty delіngen beınejazbalar áleýmettіk jelіlerde tarady. Osydan soń qor basshylyǵy Nurlan Jaqypovtyń ustalýyna baılanysty túsіnіkteme berdі. Sondaı-aq qor kompanııalarynyń barlyǵy shtattyq rejımde jumysyn jalǵastyryp jatqanyn málіmdedі.
18 qarashada sot Nurlan Jaqypov pen Eljas Otynyshevtі qamaýǵa alýǵa sanktsııa bergenі belgіlі boldy.
Budan bólek, Qazaqstan premer-mınıstrі Oljas Bektenov qor basshylyǵynyń ustalýyna qatysty málіmdeme jasady.
Material avtory