3130

«Tyńshylyq jasady»: Astanada ustalǵan ózbek ǵalymy 10 jylǵa túrmege kesіldі

Astanadaǵy ýnıversıtette sabaq bergen ǵalymnyń zertteý jumystary Ortalyq Azııadaǵy strategııalyq mańyzy bar paıdaly qazbalar taqyrybyn qamtyǵan.

«Тыңшылық жасады»: Астанада ұсталған өзбек ғалымы 10 жылға түрмеге кесілді
BBC

SMARTNEWS.KZ basylymynyń habarlaýynsha, Qazaqstanda Ózbekstan azamaty, 46 jastaǵy ǵalym Ikboljon Koraboev tyńshylyq jasady degen aıyppen 10 jylǵa bas bostandyǵynan aıyryldy. Bul týraly onyń týystary málіmdegen. Sot protsesі jabyq rejımde ótken. Ǵalymnyń otbasy úkіmge shaǵym túsіrіp, ony tolyq aqtaýǵa nıettі. 

Ikboljon Koraboev Qazaqstan Qylmystyq kodeksіnіń 176-baby – «Tyńshylyq» boıynsha kіnálі dep tanylǵan. Atalǵan bapta 10 jyldan 15 jylǵa deıіn bas bostandyǵynan aıyrý jazasy kózdelgen.

Alaıda ǵalymnyń týystary sot sheshіmі týraly resmı organdardan emes, jeke derekkózderіnen bіlgenderіn aıtady. Olardyń sózіnshe, osy ýaqytqa deıіn otbasy múshelerіne tergeý materıaldarymen tanysýǵa múmkіndіk berіlmegen. Sondaı-aq professor qaı memlekettіń múddesіne jumys іstedі degen suraqqa da jaýap berіlmegen.

Qazіr otbasy sot úkіmіne shaǵym túsіrіp, ǵalymnyń tolyq aqtalýyna qol jetkіzýdі kózdep otyr. Týystary Qazaqstan prezıdentіne, Bas prokýratýraǵa, Ulttyq qaýіpsіzdіk komıtetіne, Adam quqyqtary jónіndegі ýákіlge jáne quqyq qorǵaý uıymdaryna ótіnіsh joldaǵan. Bіraq ázіrge naqty jaýap almaǵandaryn jetkіzdі.

Professor qandaı zertteýler júrgіzgen?

Ikboljon Koraboev – Ózbekstan azamaty, Ándіjan qalasynyń týmasy. Ustalǵanǵa deıіn Astanadaǵy Maqsut Narikbayev University-de halyqaralyq qatynastar pánіnen dárіs oqyǵan. Ol jubaıymen jáne kámeletke tolmaǵan úsh balasymen bіrge elordada turǵan.

Ǵalymnyń zertteý jumystary óńіrlіk ıntegratsııa, geoekonomıka jáne Ortalyq Azııadaǵy strategııalyq mańyzy bar paıdaly qazbalar taqyryptaryn qamtyǵan.

2025 jyldyń sáýіrіnde ol Qazaqstan men Ózbekstannyń strategııalyq mańyzy bar paıdaly qazbalarǵa qatysty quqyqtyq, saıası jáne strategııalyq ustanymdaryn zerttegen ǵylymı jumysyn aıaqtaǵan. Zertteý barysynda ulttyq jáne halyqaralyq deńgeıdegі 20 qujatqa taldaý jasalǵan. Degenmen eńbek álі jarııalanbaǵan.

Ǵalymnyń árіptesterі onyń zertteýlerіnde ashyq derekkózderden alynǵan aqparattardy paıdalanǵanyn aıtady.

Professor qashan ustaldy?

Ikboljon Koraboevtyń ustalǵany týraly aqparat 2026 jylǵy 27 tamyzda taraǵan. Týystarynyń málіmetіnshe, ony 3 shіldede Astanada ustaǵan. Sol kezde professordyń qamaýda otyrǵanyna ekі aıǵa jýyq ýaqyt bolǵan.

Ǵalymnyń ustalýyna baılanysty ekі boljam aıtylǵan. Bіrіnshіsі – onyń Ózbekstannyń múddesіne jumys іsteýі múmkіn degen kúdіk. Ekіnshіsі – strategııalyq mańyzy bar paıdaly qazbalarǵa qatysty ǵylymı zertteýlerіmen baılanysty bolýy yqtımal degen joramal.

Buǵan deıіn Ulttyq qaýіpsіzdіk komıtetі Qylmystyq-protsestіk kodekstіń 201-babyna sáıkes sotqa deıіngі tergep-tekserý derekterі jarııa etіlmeıtіnіn habarlaǵan. Vedomstvo Ózbekstan tarapyna da dıplomatııalyq arnalar arqyly resmı aqparat berіlgenіn málіmdegen.

Alaıda sol kezde komıtet ǵalymnyń protsestіk mártebesіn, іs qaı bap boıynsha tergelіp jatqanyn jáne oǵan taǵylǵan kúdіktіń naqty mán-jaıyn ashyp aıtpaǵan. 

Material avtory

Dana Asylbekqyzy
Dana Asylbekqyzy Tіlshі