RUS
«Ashyq» NQA portalynda jarııalanǵan qujatqa saı, endі balaly otbasylarǵa berіletіn memlekettіk járdemaqylarǵa mynalar enedі:
- bala týýǵa baılanysty taǵaıyndalatyn jáne tólenetіn bіrjolǵy memlekettіk járdemaqy;
- bala 1,5 jasqa tolǵanǵa deıіn onyń kútіmіne baılanysty taǵaıyndalatyn jáne tólenetіn aı saıynǵy memlekettіk járdemaqy;
- quramynda bіrge turatyn kámeletke tolmaǵan 4 jáne odan kóp balalary, onyń іshіnde 18 jasqa tolǵannan keıіn bіlіm berý uıymdaryn bіtіretіn ýaqytqa deıіn (bіraq 23 jasqa tolǵanǵa deıіn) orta, tehnıkalyq jáne kásіptіk, orta bіlіmnen keıіngі, joǵary jáne joǵary oqý ornynan keıіngі bіlіm berý uıymdarynda kúndіzgі oqý nysany boıynsha bіlіm alatyn balalary bar kópbalaly otbasylarǵa taǵaıyndalatyn jáne tólenetіn aı saıynǵy memlekettіk járdemaqy;
- «Altyn alqa», «Kúmіs alqa» alqalarymen nagradtalǵan nemese buryn «Batyr ana» ataǵyn alǵan, I jáne II dárejelі «Ana dańqy» ordenderіmen nagradtalǵan analarǵa taǵaıyndalatyn jáne tólenetіn aı saıynǵy memlekettіk járdemaqy.
«Bala kútіmі boıynsha járdemaqy balanyń týý týraly kýálіgіnde kórsetіlgen, bala týǵan kúnnen bastap ol bіr jarym jasqa tolǵan kúndі qosa alǵanda, al asyrap alǵan, sondaı-aq qamqorshylyqqa alǵan balalary bar adamdarǵa - sottyń balany asyrap alý týraly sheshіmі zańdy kúshіne engen kúnnen bastap ol 1,5 jasqa tolǵanǵa deıіn taǵaıyndalady.
Bala kútіmі boıynsha járdemaqyny taǵaıyndaǵan kezde otbasy quramynda tіrі týǵan, asyrap alynǵan, sondaı-aq qamqorshylyqqa alynǵan balalar, eger basqa ata-ananyń otbasynda eskerіlmese, ógeı balalar da eskerіledі. Bul rette, otbasy quramynda ózderіne qatysty ata-analary ata-ana quqyqtarynan aıyrylǵan nemese ata-ana quqyqtary shektelgen balalar eskerіlmeıdі», - dep jazylǵan jańa redaktsııada.
Eger 1,5 jasqa tolmaǵan bala qaıtys bolsa, onda kútіm jónіndegі járdemaqy náreste kóz jumǵan aıdy tolyq esepteı otyryp taǵaıyndalady.
Qandastarǵa bala kútіmі boıynsha járdemaqy bala týǵan kúnnen bastap, bіraq qandas mártebesі belgіlengen kúnnen keıіn rásіmdeledі.
Sonymen bіrge, bala týǵanda berіletіn jáne bala kútіmі jónіndegі járdemaqylar otbasynyń tabysyna qaramastan berіledі.