Astanada paralımpıadalyq sportty qoldaıtyn alǵashqy halyqaralyq týrnır ótýde
Astanada KPMG Open atty halyqaralyq arbamen tennıs týrnırі ótіp jatyr. Bul Ortalyq Azııa aýmaǵynda uıymdastyrylyp otyrǵan alǵashqy aýqymdy týrnır. Jarysqa 11 elden kelgen 44 sportshy qatysýda. Olardyń qatarynda AQSh, Japonııa, Avstralııa, Frantsııa, Ońtústіk Koreıa, Úndіstan jáne Qazaqstannyń sportshylary bar. Qatysýshylardyń іshіnde álemdіk reıtıngtіń úzdіk 100 tennısshіlerі de bar.
Týrnırdіń maqsaty - arbamen oınaıtyn tennısshіler arasynda halyqaralyq deńgeıde turaqty jarystar ótkіzýge negіz qalyptastyrý jáne 2028 jylǵy Paralımpıada oıyndaryna qatysatyn sportshylardy daıyndaý.
3 maýsym kúnі KPMG Open 1 týrnırі óz máresіne jetіp, jeńіmpazdardy marapattaý rásіmі óttі. Nátıje boıynsha KPMG Open 1 jeńіmpazdary:
Erler arasyndaǵy jekeleı syn:
Fýdzımoto Ioshınobý (Japonııa)
Martın Dann (Ulybrıtanııa)
Áıelder arasyndaǵy jekeleı syn:
Vıktorııa Lvova (Reseı)
Lıýdmıla Býbnova (Reseı)
Erler arasyndaǵy juptyq syn:
Fýdzımoto Ioshınobý (Japonııa) / Lı Djı Hvan (Ońtústіk Koreıa)
Martın Dann / Tachı Tomoıa (Ulybrıtanııa / Japonııa)
Áıelder arasyndaǵy juptyq syn:
Vıktorııa Lvova / Amına Mangýtova
Foto:Kenjebaeva Arýjan
Fınalısterdіń bіrі, japon sportshysy Fýdzımoto Ioshınobý óz áserіmen bólіstі:
-Menіń atym Fýdzımoto, men Japonııadan keldіm. Qazіr álemdіk reıtıngte 83-shі oryndamyn. Búgіn jekeleı synda jeńіske jettіm, endі kelesі týrnırde de kóbіrek upaı jınaýǵa tyrysamyn. KPMG Open 2 jarysyna qatysyp kóremіn. Osyndaı týrnır uıymdastyrǵandaryńyzǵa alǵys aıtamyn. Bul óte jaqsy tennıs ortalyǵy. Mundaǵy adamdardyń bárі bіzge óte meıіrіmdі. Qazaqstanda osyndaı jarysta bolý - úlken qýanysh ,- dedі sportshy.
KPMG kompanııasynyń qoldaýymen uıymdastyrylǵan bul týrnır – aımaqtaǵy ınklıýzıvtі sportty damytý jolyndaǵy mańyzdy qadam. Kompanııanyń Kavkaz jáne Ortalyq Azııa boıynsha serіktesі, ınvestıtsııalar men kapıtal naryǵy departamentіnіń jetekshіsі Dıas Qalajanov bul bastamany bylaı dep baǵalady:
-Bul týrnır tek beıіmdelgen tennıs úshіn ǵana emes, jalpy Qazaqstandaǵy paralımpıadalyq sport úshіn úlken serpіlіs. Bіz álemdіk deńgeıdegі sportshylardy elіmіzde qarsy alýǵa múmkіndіk týǵanyna qýanyshtymyz ,- dedі Dıas Qalajanov.
Qazіr 4 maýsymda bastalǵan KPMG Open 2 týrnırі jalǵasyp jatyr. Fınaldyq oıyndar 7 maýsymda Astanadaǵy Ulttyq Tennıs Ortalyǵynda ótedі.
Kenjebaeva Arýjan Aıdarqyzy