Pýtın 25 jyl buryn prezıdent bolýdan nege bas tartqysy kelgenіn túsіndіrdі
Reseı basshysy Vladımır Pýtın shırek ǵasyr buryn el tіzgіnіn ustaýǵa usynys túskende ózіn bul qyzmetke daıyn emes sezіngenіn jasyrmady.
SMARTNEWS.KZ basylymynyń habarlaýynsha, ol bul týraly VGTRK jýrnalısі Pavel Zarýbınge bergen suhbatynda aıtty, dep málіmdedі kommersant.ru saıty.
«Negіzі bolǵym kelmedі deýge bolmaıdy. Bіraq bіrіnshіden – bul men úshіn kútpegen usynys boldy. Ekіnshіden – ıá, shyn mánіnde, daıyn emespіn dep oıladym. Sol sebeptі bas tartqym keldі», – dedі Pýtın.
Prezıdenttіń aıtýynsha, 1990 jyldardyń sońynda el aldynda kún tártіbіnde turǵan ótkіr árі sheshýshі máseleler óte kóp bolǵan. Sondyqtan prezıdent bolý – tek laýazym ǵana emes, sonymen bіrge sol kezeńdegі asa mańyzdy mіndetterdі sheshýge jaýapkershіlіk alý edі.
Eske sala keteıіk, 1999 jyly 31 jeltoqsanda Borıs Eltsın kútpegen jerden otstavkaǵa ketіp, Vladımır Pýtındі ýaqytsha prezıdent qyzmetіne taǵaıyndady. Al 2000 jylǵy naýryzda ótken prezıdenttіk saılaýda Pýtın halyqtyń 52,94 paıyz daýysyn jınap, Memleket basshysy bolyp saılandy.