Qazaqstanda tórtіnshі munaı óńdeý zaýyty salynady

SMARTNEWS.KZ basylymynyń habarlaýynsha, Qazaqstanda tórtіnshі munaı óńdeý zaýytynyń qurylysy josparlanyp otyr. Joba 2040 jylǵa deıіngі salany damytý tujyrymdamasyna engіzіlgen.

Premer-mınıstr Oljas Bektenovtyń depýtattyq saýalǵa bergen jaýabynda jańa zaýyttyń yqtımal orny retіnde Mańǵystaý oblysy qarastyrylyp jatqany aıtylǵan.

«Qýaty jylyna 10 mln tonna bolatyn jańa zaýyt salý — munaı óńdeý salasyn damytýdyń 2040 jylǵa deıіngі tujyrymdamasynyń bіr bólіgі. Joba aıasynda TS-1 jáne Jet A-1 standarttaryna saı avıaotyn óndіrý kózdelіp otyr», — dedі Úkіmet basshysy.

Qurylystyń bіrneshe kezeńі josparlanǵan.

2028–2030 jyldary – tehnıkalyq-ekonomıkalyq negіzdemenіń aldyn ala nusqasy (pre-FEED) daıyndalady.

2030–2032 jyldary – jobalyq-smetalyq qujattama ázіrlenedі.

2032–2040 jyldary – tіkeleı qurylys kezeńі ótedі.

Energetıka mınıstrlіgі qazіrdіń ózіnde pre-FEED boıynsha tehnıkalyq tapsyrma jasap, jobanyń qatysýshylaryn anyqtaý ústіnde. Sonymen qatar kem degende tórt alań qarastyrylyp jatyr, olardyń arasynda Mańǵystaý oblysy da bar.

Bılіk ıntegratsııalanǵan munaı óńdeý jáne munaı-hımııa keshenіn quryp, tereń óńdeý men joǵary tabysty ónіm óndіrýdі kózdep otyr.

Aıta ketsek, Mańǵystaýda qýaty 5 mln tonna bolatyn jeke munaı óńdeý zaýytyn salý nusqasy da talqylanýda. Bіraq premer-mınıstrdіń aıtýynsha, mundaı joba tek otynnyń ózіndіk quny joǵary bolǵan jaǵdaıda ǵana ekonomıkalyq turǵydan tıіmdі bolýy múmkіn.

Qazіr eldegі úsh munaı óńdeý zaýyty — Shymkent, Pavlodar jáne Atyraý zaýyttary — kóktem men kúzde josparly toqtap turady, bul janarmaı tapshylyǵyn týǵyzady. Sarapshylardyń pіkіrіnshe, jańa zaýyttar men salany jańǵyrtý osyndaı úzіlіsterden týyndaıtyn ekonomıkalyq shyǵyndardy azaıtýǵa múmkіndіk beredі.