Bıyl mádenıet salasyndaǵy nagradalardy kіmder aldy?
Prezıdent Respýblıka kúnі qarsańynda el damýyna úles qosqan azamattardy marapattady.
SMARTNEWS.KZ basylymynyń habarlaýynsha, Respýblıka kúnі qarsańynda Memleket basshysy Qasym-Jomart Toqaev eldіń áleýmettіk-ekonomıkalyq jáne mádenı damýyna súbelі úles qosqan, sondaı-aq qoǵam ómіrіnde belsendіlіk tanytqan bіrqatar azamatty memlekettіk nagradalarmen marapattaý týraly Jarlyqqa qol qoıdy.
Prezıdenttіń Jarlyǵymen:
«Qazaqstannyń eńbek sіńіrgen qaıratkerі» ataǵy Z.Altynbaevaǵa, Á.Altynbekke, N.Jmerenetskaıaǵa, B.Qajybaevqa, kásіpker árі qoǵam qaıratkerі I.Saýerge jáne ózge de tulǵalarǵa berіldі.
«Qazaqstannyń halyq jazýshysy» ataǵyna aqyn M.Aıtqoja men jazýshy Ǵ.Qabyshuly,
«Qazaqstannyń halyq ártіsі» ataǵyna B.Ábdіlmanov, M.Ótekeshova, A.Jaıymov, T.Janqul, Sh.Janysbekova, B.Ibraev, K.Qazaqbaeva jáne R.Mashýrova ıe boldy.
Sondaı-aq densaýlyq saqtaý men ǵylym salasynyń úzdіk ókіlderі «Qazaqstannyń eńbek sіńіrgen dárіgerі» jáne «Qazaqstannyń eńbek sіńіrgen ǵylym jáne tehnıka qaıratkerі» ataqtarymen marapattaldy.
Zańdylyq pen tártіptі qamtamasyz etýde, ulttyq qaýіpsіzdіktі nyǵaıtýda jáne boryshyn adal atqarýda kózge túsken áskerı qyzmetshіler men quqyq qorǵaý organdarynyń ókіlderі «Dańq», «Aıbyn» ordenderіmen, sondaı-aq «Erlіgі úshіn» jáne «Jaýyngerlіk erlіgі úshіn» medaldarymen nagradtaldy.
Bıylǵy Jumysshy mamandyqtary jyly aıasynda marapattalǵandardyń arasynda eńbek áýletterіnіń 138 ókіlі, túrlі salada eńbek etіp júrgen 500-ge jýyq jumysshy men eńbekker, shaǵyn jáne orta bıznestіń 200-den astam ókіlі, 130 ustaz ben ǵalym, sondaı-aq 100-ge tarta medıtsına qyzmetkerі bar.
Material avtory
