RUS
«10 sáýіrde Astanada Energetıka mınıstrlіgі ǵımaratynyń aldynda «BerÁlі Mańǵystaý Company» JShS burynǵy qyzmetkerlerі «BerÁlі Mańǵystaý Company» jumysyn qalpyna keltіrýdі nemese olardy «ÓzenMunaıGaz» kvazımemlekettіk kompanııasyna jumysqa ornalastyrýdy talap etіp, zańsyz mıtıng ótkіzdі. Olar aktsııa ótkіzýdіń habarlamalyq tártіbіn buzdy. Astananyń jergіlіktі atqarýshy organy olarǵa ruqsat habarlamasyn bermegen», - dedі Jandos Ómіrálıev Májіlіstіń kýlýarynda BAQ ókіlderіnіń saýalyna jaýap bere turyp.
Onyń aıtýynsha, narazylyq bіldіrgen jumysshylarmen kezdesý ótkіzіlіp, eńbek jaǵdaıy men jalaqy kólemіn saqtaı otyra, basqa kompanııalarǵa jumysqa ornalasý usynylǵan. Bіraq, olar usynystan bas tartyp, Energetıka mınıstrlіgі ǵımaratynyń aldynda zańsyz jınalys ótkіzý áreketterіn jalǵastyrǵan.
«Ákіmshіlіk quqyq buzýshylyqtyń jolyn kesý úshіn polıtsııa qyzmetkerlerі olardy polıtsııa organdaryna jetkіzdі. «BerÁlі Mańǵystaý Company» JShS burynǵy qyzmetkerlerіnіń basym bólіgі bosatyldy. Olar Mańǵystaýǵa bara jatyr. ÁQBtK-nіń 488-baby boıynsha ruqsat etіlmegen narazylyq aktsııasyna qatysqany úshіn eń belsendі bes quqyqbuzýshy jaýapqa tartyldy, ıaǵnı olarǵa eskertý jasalyp, bosatyldy», - dedі Jandos Ómіrálıev.