RUS
Memleket basshysy qazaqstandyq tennısshіlerdіń jetіstіgі óskeleń urpaq arasynda osy sport túrіnіń tanymaldylyǵyn arttyrýǵa septіgіn tıgіzetіnіn atap óttі.
Óz kezegіnde Elena Rybakına jeńіs tuǵyrynan kórіngen sátterіnde qoldaý bіldіrgenі jáne júrekjardy quttyqtaýlaryn joldaǵany úshіn Prezıdentke alǵys aıtty. Dańqty tennısshі aldaǵy ýaqytta da bedeldі halyqaralyq jarystarda sáttі óner kórsetýge bar kúsh-jіgerіn jumsaıtynyn jetkіzdі.
Memleket basshysy Qasym-Jomart Toqaev qazіrgі tańda elіmіzde 30 myńnan asa adam tennıspen shuǵyldanatynyna toqtaldy. Onyń 10 myńnan astamy – 10 jasqa deıіngі balalar. Osy sport túrіne buqaralyq sıpat berý maqsatynda elіmіzdіń 17 aımaǵynda tennıs korttary salyndy. Sondaı-aq, Baby tennis, «10 jasqa deıіngі tennıs» sekіldі jobalar tabysty júzege asyrylyp jatyr.
14-15 sáýіr kúnderі Astanada alǵash ret Bıllı Djın Kıng kýbogynyń іrіkteý matchy ótedі. Tennısten Qazaqstannyń áıelder quramasy Polsha komandasyna qarsy oınaıdy. Bul kezdesýdіń jeńіmpazy álem chempıonatyna joldama alady.
Memleket basshysy halyqaralyq deńgeıdegі mundaı іs-sharalardy uıymdastyrý elіmіzdegі tennıstіń damý deńgeıіn arttyrýǵa tyń serpіn beretіnіn aıtty. Sondaı-aq, Parıjde ótetіn jazǵy Olımpıada oıyndaryna lıtsenzııa utyp alǵan otandyq tennısshіlerge sáttіlіk tіledі.