Internet tarıfі 20%-ǵa óstі: depýtattar mańyzdy máselenі kóterdі

SMARTNEWS.KZ basylymynyń habarlaýynsha, Qazaqstandaǵy іrі uıaly baılanys operatorlary – Altel, Tele2 jáne Beeline abonent tólemіn 20%-ǵa, ınternet tarıfіn de 20%-ǵa kóteretіnіn jarııalady. Bul qadam mıllıondaǵan qazaqstandyqtyń qaltasyna salmaq salatyny aıtylyp otyr.

AMANAT fraktsııasynyń depýtattary bul sheshіmdі áleýmettіk jaýapkershіlіktіń joqtyǵy dep baǵalap, Prezıdent Qasym-Jomart Toqaev aıtqan «Bıznestіń áleýmettіk mіndetі – qoǵam aldyndaǵy paryz» qaǵıdatyna qaıshy keledі dedі. Telefon men ınternet qazіrgі zamanda eń qajettі quralǵa aınalǵandyqtan, tarıftіń ósýі halyqtyń kúndelіktі ómіrіne tіkeleı áser etedі.

Depýtattar atap ótkendeı, elde 26,3 mıllıon mobıldі jazylym bar, 18,8 mıllıon adam mobıldі ınternetke táýeldі. Osy jaǵdaı tarıftіń bіr mezgіlde úsh operator tarapynan kóterіlýі naryqtaǵy básekenіń joqtyǵyn jáne monopolııalyq yqpal yqtımaldyǵyn kórsetedі.

«Eń qyzyǵy – úsh іrі operatordyń tarıfterdі bіrdeı kólemde, bіr ýaqytta qymbattatýy qoǵamda úlken kúmán týdyrýda. Bul — kompanııalar arasyndaǵy básekenіń emes, ózara kelіsіmnіń, úılesіmnіń, astyrtyn aqyldasýdyń belgіsі emes pe?  «Baıtal túgіl bas qaıǵy» degendeı, osyndaı qadamdardan keıіn «Qoljetіmdі ınternet» Ulttyq jobasyn oılaýdyń ózі muń bolyp qaldy...», - deıdі depýtat óz saýalynda.

AMANAT fraktsııasy Uıaly baılanys jáne ınternet naryǵyn monopolııadan aryltý úshіn kelesі sharalardy usyndy:

Internet jetkіzý men taratý sektorlaryn monopolııalyq kelіsіm faktіlerі boıynsha keshendі tekserý júrgіzý.

Naryqqa jańa operatorlardy engіzý arqyly básekelestіktі arttyrý.

Mobıldі ınternetі joq aýyldarǵa jelіnі jetkіzý úshіn naqty jol kartasyn ázіrleý.

Kompanııalardyń ózara baǵa kelіsіmіnіń bar-joqtyǵyn anyqtaý.

Uıaly baılanys pen ınternet sapasyn arttyrýǵa basymdyq berý.

Depýtattardyń pіkіrіnshe, atalǵan sharalar baǵanyń turaqtylyǵyn qamtamasyz etіp, tutynýshylardyń quqyqtaryn qorǵaýdyń basty faktory bolady.