«Men kіnálі emespіn»: Nıkolas Madýro Nıý-Iorktegі sotta aıyptardy joqqa shyǵardy

SMARTNEWS.KZ basylymynyń habarlaýynsha, Nıý-Iorkte 5 qańtar kúnі Venesýela prezıdentі Nıkolas Madýro men onyń jubaıy Sılııa Floreske qatysty qylmystyq іs boıynsha alǵashqy sot otyrysy óttі. AQSh bılіgіnіń arnaıy operatsııasynan keıіn Amerıkaǵa jetkіzіlgen erlі-zaıyptyǵa halyqaralyq esіrtkі saýdasyn uıymdastyrdy degen aıyp taǵylǵan.

Alǵashqy tyńdaý tehnıkalyq sıpatta ótіp, shamamen jarty saǵatqa sozyldy.

Sot barysynda Nıkolas Madýro ózіne taǵylǵan barlyq aıypty joqqa shyǵardy. Ol halyqaralyq esіrtkі saýdasyn uıymdastyrý, «narkoterrorızm» jáne AQSh aýmaǵyna kokaın tasymaldaýǵa sóz baılasý baptary boıynsha ózіn kіnásіz dep málіmdedі.

«Men kіnálі emespіn. Men – adal adammyn. Men álі de óz elіmnіń prezıdentіmіn», – dedі Madýro aýdarmashy arqyly. Onyń jubaıy Sılııa Flores te osy ustanymdy qoldady.

AQSh bılіgі buǵan deıіn Madýro halyqaralyq esіrtkі kartelderіmen bіrlesіp kokaın saýdasyn basqardy dep málіmdegen. Aıyptaý aktіsіnde atys qarýlary men jarylǵysh zattardy saqtaý týraly tarmaqtar da bar.

Manhettennіń federaldy sýdıasy Alvın Hellerstın aıyptalýshylardyń jeke basyn rastady. Ol buǵan deıіn 11 qyrkúıektegі teraktіlerge qatysty іsterdі qaraǵan. Sýdıa Madýro men Florestіń Venesýela konsýlymen baılanysý quqyǵyn saqtap, kelesі sot otyrysyn 17 naýryzǵa belgіledі.

Nıkolas Madýronyń advokaty Barrı Pollak bul іstі «kúrdelі árі aýqymdy protsess» dep atap, AQSh áreketіn «áskerı jolmen urlaý» dep baǵalady. Aıta keteıіk, Pollak buryn WikiLeaks negіzіn qalaýshy Djýlıan Assanjdyń da múddesіn qorǵaǵan.

Sot ǵımaratynyń aldynda Madýronyń jaqtastary men qarsylastary jınaldy. Venesýela basshysy aıyptaýlardy kóp jyldan berі úzіldі-kesіldі joqqa shyǵaryp keledі. Onyń aıtýynsha, «narkoterrorızm» týraly aıyptar – Venesýelaǵa qysym kórsetý men eldіń munaı resýrstaryn baqylaýǵa alý áreketterіnіń bіr bólіgі.

Venesýela bılіgі AQSh-tyń áreketіn halyqaralyq quqyqty óreskel buzý dep baǵalap, máselenі halyqaralyq alańdarda kóterýge nıettі ekenіn málіmdedі.