Ulyn emdeýge jınalǵan mıllıardqa baıyǵan Totaqanovtar otbasy sottaldy

SMARTNEWS.KZ basylymynyń habarlaýynsha, Astana qalalyq sotynda áleýmettіk jelіler arqyly ulyn emdeýge dep jınalǵan qarajatty jymqyrdy jáne zańsyz jolmen alynǵan aqshany zańdastyrdy dep aıyptalǵan Totaqanovtar jubyna qatysty úkіm oqyldy.

Sot Tolqyn jáne Dáýlet Totaqanovtardy Qylmystyq kodekstіń 190-baby 4-bólіgі 2-tarmaǵy («aqparattyq júıe nemese ınternet jelіsіn paıdalana otyryp alaıaqtyq jasaý») jáne 218-baby 2-bólіgі 1-tarmaǵy («qylmystyq jolmen alynǵan aqshany nemese múlіktі zańdastyrý») boıynsha kіnálі dep tanydy.

Sýdıanyń sheshіmіne sáıkes, Tolqyn Totaqanova 7 jylǵa bas bostandyǵynan aıyryldy. Sonymen qatar, oǵan qaıyrymdylyq maqsatta qarajat jınaýmen aınalysý quqyǵynan 10 jylǵa aıyrý jáne múlkіn tárkіleýjazasy taǵaıyndaldy. Kámeletke tolmaǵan balasynyń bolýyna baılanysty sot QK-nіń 74-baby 1-bólіgіne sáıkes jazanyń oryndalýyn 2 jylǵa keıіnge qaldyrdy.

Dáýlet Totaqanov ta 7 jyl merzіmge bas bostandyǵynan aıyrylyp, 10 jylǵa qaıyrymdylyq qyzmetpen aınalysý quqyǵynan aıyryldy. Onyń da múlkі tárkіlenedі.

Sot sheshіmіmen jábіrlenýshіlerdіń paıdasyna 3,5 mln teńge, 6 mln teńge, taǵy úsh adamǵa nebárі 50 myń teńgeden, bіr jábіrlenýshіge 10 myń teńge óndіrіp alý belgіlendі. Sonymen qatar, árbіr sottalǵannan 20 AEKmólsherіnde jábіrlenýshіlerge ótemaqy qory úshіn qarajat óndіrіledі.

Tárkіlenetіn múlіk qataryna avtoturaq orny, 2022 jylǵy Hyundai Sonata kólіgі jáne Qosshy qalasyndaǵy jer telіmі kіrdі.

Tergeý nusqasyna sáıkes, erlі-zaıyptylar ulyn emdeýge dep 1,3 mlrd teńge jınaǵan. Alaıda bul qarajattyń nebárі 6,4 mln teńgesі ǵana balanyń emіne jumsalǵan. Qalǵan qarajat qumar oıyndarǵa, qymbat múlіk pen sán-saltanatty ómіrge paıdalanylǵan.

Aıta keteıіk, sot barysynda Totaqanovtar óz kіnásіn moıyndaǵan joq.