RUS
«Sýdyń da suraýy bar». Ony neǵurlym kóp tutynsań, soǵurlym kóp aqsha tóleısіń. Bul – jurtty únemshіl bolýǵa úıretetіn ádіlettі jáne qarapaıym ustanym. Damyǵan elderdіń turǵyndary ár nársenіń qadіrіn bіledі. Únemshіldіk olardyń ómіr saltyna aınalǵan. Tіptі, sý men jylýdy ysyrap etpeýdі balalarǵa jastaıynan úıretedі. Bіzdіń azamattarymyz da osyndaı únemshіl bolýy kerek. Ásіrese, sýdy únemdep tutynýymyz kerek. Men sý tapshylyǵynyń artyp jatqanyn udaıy aıtyp júrmіn. Sarapshylardyń paıymdaýynsha, 2040 jylǵa qaraı sýǵa degen suranys 50 paıyzǵa artady», - dedі Qasym-Jomart Toqaev.
Prezıdenttіń aıtýynsha, Qazaqstan 2050 jylǵa qaraı «sýǵa óte muqtaj» elderdіń sanatyna kіrýі múmkіn.
«Qazіr elіmіzde 600 myńnan astam adam taza aýyzsýǵa zárý. Bul – aýyldaǵy aǵaıyn ǵana emes, qala halqy úshіn de óte ózektі másele. Irі shaһarlardyń ınfraqurylymy jyldan-jylǵa artyp kele jatqan suranysqa jaýap bere almaı otyr. Tіptі, Astananyń ózіnde sý tapshylyǵy qatty sezіle bastady. Basty sebeptіń bіrі – qurylystyń kóbeıýі. Únemshіl bolmasaq, taza sý beretіn jańa nysandardy іske qosqanmen, tapshylyqty joıa almaımyz», - dedі Memleket basshysy.
Budan buryn habarlanǵandaı, Prezıdent Úkіmet munaı ónіmderіnіń baǵasyn qaıta qaraý kezіnde memleketke tólenetіn salyqty arttyrý jónіnde qosymsha sharalar qabyldaýy tıіs ekenіn aıtty.