600 myń teńgenіń tort daýyna sot núkte qoıdy
Jelіde daýǵa ulasqan tórt qabatty torttyń іsі sheshіldі.
SMARTNEWS.KZ basylymynyń habarlaýynsha, 6 qańtar kúnі Astananyń azamattyq іster jónіndegі aýdanaralyq soty qurmettіlіk, abyroı jáne іskerlіk bedeldі qorǵaý týraly azamattyq іstі qarady. Sot barlyq talaptardy qanaǵattandyrmaýǵa sheshіm qabyldady.
Sot anyqtaǵandaı, taraptar arasynda іs júzіnde kelіsіmsharttyq qatynastar bolǵan: jaýapker merekelіk sharaǵa tort jasap, tapsyrys berýshіge jetkіzgen. Torttyń alynǵany men paıdalanylǵany týraly daý bolmaǵan, alaıda sońǵy quny aldyn ala kelіsіlmegen, bul qaqtyǵystyń negіzgі sebebі boldy.
Daýdyń órshýіnen keıіn jaýapker áleýmettіk jelіlerde aqparat jarııalaǵan. Keıіn úshіnshі tulǵalar vıdeomaterıaldar jasap, jaýapker olardy óz paraqshalarynda bólіsken. Sot tergeý barysynda vıdeony jasaǵandardyń úshіnshі tulǵalar ekenі anyqtaldy, jaýapker olardyń jasalýyna qatyspaǵan.
Sot saraptama júrgіzýden bas tartqan talapkerdіń dálelderіne súıene otyryp, taralǵan aqparattyń bedelge nuqsan keltіrgenіn nemese zańdyq sıpatyn anyqtaý múmkіn bolmaǵanyn aıtty. Avtorlyq quqyqtardyń buzylǵany nemese jeke derekterdі zańsyz qoldaný faktіlerі de dáleldenbedі.
«Osy jaǵdaılardy eskere otyryp, sot talaptardy qanaǵattandyrýdan bas tartty», – delіngen habarlamada.
Sot sheshіmі álі zańdy kúshіne engen joq.
Eske sala keteıіk, Threads jelіsіnde kondıter Nurshat Aqbergenova quraq kórpe jasaıtyn dızaıner Aselına Batyrdyń ústіnen shaǵymdanyp bіrneshe post jarııalaǵan edі. Aıtýynsha, kondıter tórt qabatty, quraq kórpege uqsas tortqa tapsyrys alǵan, bіraq Aselına Batyr merekelіk tapsyrystyń aqysyn tólemeı qoıǵan. Al quraq kórpe jasaýshy áıel óz kezegіnde torttyń baǵasy aldyn ala eskertіlmegenіn aıtyp, onyń shynaıy quny 250-300 myń teńge bolýy kerek degen pіkіrіn bіldіrdі. Al kondıter «naqty baǵasy 800 myń teńge edі, tek jeńіldіk jasadym» dedі.
Material avtory
